Click to listen highlighted text! GSpeech
A- A A+

Yangiliklar

BOLALIKDAGI ORZUYIM

moxir haydovchi 2018    Xolmurod Qahhorov "Toshshahartransxizmat" aktsiyadorlik jamiyati tarkibiga kiruvchi "18-avtobus saroyi" MChJning tajribali haydovchilaridan sanaladi. U Avtomobil transporti xodimlari kuni munosabati bilan tizimda ko'p yillar qilgan samarali mehnati, avtokorxonada o'z o'rniga ega bo'lib jamoat ishlarida faol qatnashib kelayotganligi uchun, Jamiyat Yo'llarda harakatlanish xavfsizligini ta'minlash hay'ati xulosasiga ko'ra "Toshshahartransxizmat" aktsiyadorlik jamiyatining birinchi darajali "Mohir haydovchi" ko'krak nishoni bilan taqdirlandi.

 

Manba: "Poytaxt transport" gazetasi.

Yakshanba, 07 Yanvar 2018

YO'LINGIZ BEHATAR BO'LSIN!

2018nasiba    Hademay umrimizning yana bir yili ortda qoladi. Odatda, inson bu paytda bosib o'tgan umr yo'liga yana bir marta nazar tashlaydi. O'tgan kunlarini tahlil qiladi, baho beradi. "Bekorga o'tib ketmadimi?" deya o'zini o'zi so'roq qiladi. Shu ma'noda o'tayotgan 2017 yilni sarhisob qilsak, bu yil juda samarali kechganiga amin bo'lamiz. Xalqimizning jamiyatda yuz berayotgan o'zgarishlarni qo'llab-quvvatlayotgani kishini xursand qiladi. Toshkentimiz eng go'zal shaharga aylanib bormoqda. Har qadamda bir o'zgarish. Xudo xohlasa, yaqin yillar ichida shahrimiz yanada yangi qiyofa kasb etadi. Zamonaviy, ko'rkam avtobuslarda yo'lovchilarga xizmat ko'rsatish, jamoat transporti xizmatining uzluksiz, tizimli yo'lga qo'yilishi shahar obro'siga obro' qo'shadi, aholi va mehmonlarga qulaylik yaratadi. Kech qolmasmikanman, avtobus o'z vaqtida kelarmikan, degan tashvish bo'lmaydi. Ahamiyatlisi, biz san'atkorlar kabi yo'lovchi tashish transporti vakillari ham bayram kunlari xalqimiz xizmatida kamarbastadir. Transportchilarning yo'lovchi uzog'ini yaqin, og'irini engil qilishdek savobli kasbni tanlagani ham bir jasorat, desam mubolag'a bo'lmaydi.
 

Juma, 29 Dekabr 2017

BELNI MAHKAM BOG'LASH VAQTI KELDI

2018 gulom    O'tayotgan yilimiz O'zbekistonimiz uchun tub burilishlar, islohotlar yili bo'ldi. Eng avvalo, zahmatkash xalqimiz, qolaversa, bizga qo'shni ellar va uzoq-yaqin davlatlar kuzatuvchilari qisqa muddat ichida yurtimizda amalga oshirilgan ishlarga yuqori baho berishmoqda. Tabiiyki, o'zgarishlar o'z-o'zidan bo'lib qolayotgani yo'q. Prezidentimiz Shavkat Mirziyoyev ana shunday ulkan o'zgarishlarning boshida turibdilar va xalqimiz farovon yashashi, O'zbekistonimiz gullab-yashnashi uchun tinmay mehnat qilyaptilar. Xalq ta'limi deysizmi, tibbiyotmi, tadbirkorlikmi, agrar sohami, ilm-fan, adabiyot, san'atmi, qaysi sohani olmang, tubdan isloh topmoqda. Xalqimizning ruhiyatida ham ajib bir ko'tarinkilik paydo bo'ldi, odamlarimizning hayotga, kelajakka bo'lgan ishonchi kundan kunga ortib bormoqda. Bugun aziz yurtimizning qayeriga qaramang, qurilish, bunyodkorlik ishlarini ko'rasiz. Minglab yurtdoshlarimiz yangi, zamonaviy uylarga ko'chib o'tayotganiga guvoh bo'lib turibmiz. Ularning quvonchi cheksiz. Bugun davlatimiz rahbarining nazaridan chetda qolayotgan soha yoki tashkilotning o'zi yo'q. Bosh Qomusimiz qabul qilinganining 25 yilligi oldidan e'lon qilingan afvni ayting. 2700 nafar yurtdoshimiz Prezidentimizning bu marhamati bilan tinch hayotga, oila bag'riga qaytdi.
   

Juma, 29 Dekabr 2017

2018 YIL – YUKSALISH YILI BO'LADI

 Nihoyasiga etib borayotgan 2017- yil haqiqiy o'zgarishlar yili bo'ldi. Bunga hammamiz guvoh bo'lib turibmiz. Men "Xalq bilan muloqot va inson manfaatlari" yili oldimizda turgan ulug'vor ishlarga poydevor bo'ldi, deb o'ylayman. Xalqimizning bir farzandi, oddiy san'atkor sifatida kunda el xizmatida bo'laman, mamlakatimizning turli viloyat, tumanlarida bo'laman. Bir yil ichida yuz bergan o'zgarishlarni ko'rib "Nahotki, qisqa bir muddatda shunday ishlar amalga oshsa?" deb yuboraman. Prezidentimiz Xalqqa suyanib ishlayaptilar. "Men shu xalqim bilan birgaman!" deyaptilar. Har birimiz Xalqimiz, Vatanimiz farovonligi yo'lida halol ishlashimiz, mehnat qilishimiz vaqti keldi.
   

Juma, 29 Dekabr 2017

XIZMATINGIZDAN EL MAMNUN

    Yil yakuniga ko'ra Toshkent shahri jamoat transporti xizmatiga raqamlar qanday baho berishini bilmayman. Lekin yo'lovchilarning transport xizmatidan mamnun va minnatdor ekani aniq. Ana shu mamnunlik eng yuqori baho hisoblanadi. Poytaxtimiz jamoat transporti dunyodagi ko'plab shaharlar transporti xizmatidan qolishmaydi. Keyingi yillarda ro'y berayotgan ijobiy o'zgarishlarga barchamiz guvohmiz. Ishchi, xizmatchi yoki idora xodimining kun bo'yi yaxshi yoki yomon kayfiyatda yurishi transport xizmatining sifatiga ham bog'liq. Agar avtobuslar bekatlarga o'z vaqtida kelsa, haydovchi ochiq chehra, shirinso'z bo'lsa, yo'lovchining kayfiyati ham shunga yarasha a'lo darajada bo'ladi. Bu jihatdan ham quvonarli holatlar ko'p.
   

Juma, 29 Dekabr 2017

EZGU NIYATLAR PALLASI

    Odatda, yil yakunlanayotgan pallada o'tgan fursat sarhisob qilinadi. Bu jihatdan, poyoniga etayotgan 2017 yil mustaqil O'zbekistonimiz hayotida tub o'zgarishlar, yangilanishlar davri bo'ldi. Xususan, muhtaram Prezidentimiz Shavkat Mirziyoyevning joriy yil 7 fevraldagi Farmoni bilan 2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha Harakatlar strategiyasi tasdiqlandi. Harakatlar strategiyasi jamiyatimizni barcha sohalarni yangi taraqqiyot bosqichiga olib chiqishda "yo'l xaritasi"ga aylandi. Mazkur tarixiy hujjat davlat va jamiyat qurilishi tizimini takomillashtirish, qonun ustuvorligini ta'minlash hamda sud-huquq tizimini yanada isloh qilish, iqtisodiyot va ijtimoiy sohani rivojlantirish, xavfsizlik, millatlararo totuvlik hamda diniy bag'rikenglik muhitini ta'minlashga qaratilgani bilan ahamiyatlidir. Harakatlar strategiyasiga muvofiq, mamlakatimiz hayotining barcha jabhalarida jadal islohotlar olib borilmoqda.
    Mazkur jarayon, eng avvalo, turli darajadagi rahbar va etakchilardan fidokorlik va tashabbuskorlik bilan mehnat qilishni talab etadi. Zero, Prezidentimiz ta'kidlaganidek, "Odamlarimiz islohotlar samarasini kelajakda emas, balki bugun o'z hayotida his etishlari zarur". Hayotimizning barcha jabhalarida kechayotgan olamshumul islohot va yangilanishlar har bir yurtdoshimizdan ham faollik talab qilayotganini qayd etish joiz. Kun sayin chiroy ochib borayotgan Toshkent butun dunyodan kelayotgan mehmonlarning havas va hayratiga sabab bo'layotir. Ko'hna va navqiron Toshkentda ulkan bunyodkorlik ishlari bir kun ham to'xtagani yo'q. Muhtaram Prezidentimizning tashabbusi va g'amxo'rligi bilan poytaxtimizda yangi yo'llar, mahobatli ko'priklar, zamonaviy talablarga javob beradigan turarjoy majmualari, ko'rkam bog'-xiyobonlar barpo etilmoqda. Ana shu yaratuvchanlik va bunyodkorlik timsolida Istiqlolning mazmun-mohiyatini, ahamiyatini yanada teranroq anglashimiz shubhasiz.
    Barcha sohalar qatori poytaxtimiz jamoat transporti tizimi ham o'zgarishlardan chetda qolayotgani yo'q. Yo'lovchi va yuk tashish tizimida ish sifati, xizmat ko'rsatish saviyasi barqaror sur'atda oshib bormoqda. Shahar transporti tarkibi yangilanmoqda. Aholiga xizmat ko'rsatish tizimini yanada qulaylashtirish maqsadida Germaniyadan "Mersedes Bens" avtobuslari keltirilgani, yakunlanayotgan 2017 yilda ham Samarqandda ishlab chiqarilayotgan o'rta sig'im 140ta "Isuzu" va katta hajmdagi 50ta "MAN" rusumli shinam, qulay va zamonaviy avtobuslar xarid qilingan va ular shahar transporti tarkibini boyitib borayotganini alohida ta'kidlash joiz. Albatta, erishilgan yutuqlarning barchasi o'zimizniki, ammo jamoat transporti tizimida ham hali qilinishi kerak bo'lgan ishlar ko'p ekani, xalq, mamlakat va davlat rahbariyati ishonchini oqlash uchun tunu kun mehnat qilishimiz lozimligini unutmasligimiz kerak.
    Fursatdan foydalanib, mamlakatimiz ahli, xususan, poytaxt jamoat transporti tizimida sidqidildan mehnat qilib kelayotgan fidoyi insonlarni va ularning oila a'zolarini kirib kelayotgan Yangi yil bilan samimiy qutlayman. Xonadoningizni fayzu baraka, to'kin-sochinlik aslo tark etmasin. Vatan taraqqiyoti va yurt ravnaqi yo'lidagi faoliyatingizda yuksak mehnat zafarlari yor bo'lsin. Yangi yil muborak bo'lsin, azizlar!

 

 

Rahmonbek USMONOV,

Toshkent shahar hokimi

Juma, 29 Dekabr 2017

YO'LOVCHILARGA BAYRAM TUHFASI

  50man  Joriy yilning 27 dekabr kuni soat 05:00da "Toshshahartransxizmat" aksiyadorlik jamiyatining bir guruh vakillari poytaxt yo'lovchi tashish xizmatini yanada yaxshilash, qulay shart-sharoitlar yaratish maqsadida Vazirlar Mahkamasining joriy yilning 11 martida qabul qilingan "Toshkent shahrida yo'lovchi tashish transporti tizmini yanada rivojlantirish chora-tadbirlari to'g'risida"gi qarorida ko'rsatilgan 50 dona katta hajmdagi "MAN" rusumli avtobuslarni olib kelish uchun Sharq gavhari Samarqand sari otlandi. "JV MAN Auto-Uzbekistan" O'zbekiston-Germaniya korxonasi tomonidan ishlab chiqarilgan avtobuslarni keltirish uchun ishchi guruhga Jamiyat boshqaruvi raisi Anvar Jo'raev boshchilik qildi. Tong saharda yog'ib turgan oppoq qor ham yaxshilikdan darak berib turardi. Tonggi go'zallik mamlakatimizda amalga oshirilayotgan keng ko'lamli islohotlar samarasidan so'zlayotgandek edi go'yo.
    Toshkentdan to Samarqandgacha bo'lgan yo'l qanday bosib o'tilganligi ishtirokchilarning ko'tarinki kayfiyati bilan sezilmay ketdi. Prezidentimizning joriy yil 22 dekabdagi Oliy Majlisga yo'llagan murojaatida ta'kidlagan nazorat yo'l patrul postlarining ayrimlari allaqachon olib tashlangan. Yo'l bo'ylab poytaxtdan tortib viloyatlar, tuman, qishlog'u ovullarda amalga oshilayotgan bunyodkorlik ishlari ko'zni quvontirib turibdi. Samarqandga taklif etilganidan vaqtliroq etib bordik. "JV MAN Truck and bus" aksiyadorlik jamiyati binosi oldiga katta sig'imli MAN A22 SNG rusumli avtobuslar tartib bilan joylashtirilayotgan ekan. O'zimizda ishlab chiqarilayotgan ushbu avtobuslarni haydovchilar, avtochilangarlar va soha mutaxassislari katta qiziqish, g'urur bilan tomosha qilishardi. Bu kabi iftixor tuyg'ulari istiqlol ne'mati, deb shukronalar keltirdilar. Shundan so'ng mehmon va mezbonlar ishtirokida avtobuslarni o'z eglariga topshirish marosimi bo'lib o'tdi.
   

Juma, 29 Dekabr 2017

SHAHAR JAMOAT TRANSPORTIDAN FOYDALANUVCHILAR UCHUN BAYRAMONA SOVG'A

 mannn  Hurmatli hamshaharlar !
 O'zbekiston Respublikasi Vazirlar Mahkamasining 2017 yil 11 martdagi “Toshkent shahrida yo'lovchi tashish transportini yanada rivojlantirish chora-tadbiri to'g'risida”gi 129-sonli qarorida, “Toshshahartransxizmat” AJ tomonidan 350 dona katta sig'imli “MAN” rusumidagi avtobuslar jumladan 2017 yilda 50 dona harid qilinishi belgilab berilgan.
   

Seshanba, 26 Dekabr 2017

YO'LOVCHILAR BILAN ISHLASH MAROQLI

5 konduk    Rivoyat qilishlaricha bir kishi yaqin do'stiga maktub yozibdi. Do'stim, bugun men, nihoyat, bir umr ko'zlagan maqsadimga erishdim. Niyat qilar edim — ulug' bir shaharda yashasam va daromadli bir ishda ishlasam, deb. Mana bugun Makkadek ulug' shaharda yashayman, men ishlaydigan joyni esa odamlar, faqat, orzu qilishlari mumkin. Endi bu dunyoda mendan baxtli inson yo'q. Do'sti maktubni o'qib bo'lib, olis Makka tomon shunday xat yo'lladi. Ey, do'stim, maktubda sen, ulug' shaharda yashayapman, deb g'ururlanibsan, bu noto'g'ri, joy hargiz kishini aziz qilmaydi
— ulug' shaharda yashagan bilan kishi aziz bo'lib qolmaydi, aksincha, inson o'zining halol mehnati, izlanishi, odamlarga, atrofdagilarga yaxshilik qilishi bilan o'zi ham e'zoz topadi, ham joy nomini aziz qiladi.
   

Shanba, 23 Dekabr 2017

YO'NALISH NOZIMLARI

   6kv nozim Shahar yo'lovchi tashish transporti vakillari yilning har faslida, xalqimizning to'y va bayramlarida poytaxt aholisi va mehmonlariga yuqori madaniyatli va xavf-xatarsiz xizmat ko'rsatish yo'lida tinmay mehnat qilmoqda. Jamoat transportida chilangar, haydovchi, chiptachi, tibbiy va tasarruf bo'limi xodimi, navbatchi mexanik va nozim kabi katta-kichik ishchi-xizmatchilarning faoliyati bir-biriga uzviy bog'liq.
   Avtobuslar harakat muntazamligini ta'minlash va nazorat etishda esa shohbekat nozimlari faoliyati muhim ahamiyat kasb etadi. Bunga "Yunusobod 6-dahasi" shohbekati faoliyati yaqqol misol bo'la oladi.
Shohbekat Yunusobod aholisini shahrimiz markazi va Chilonzor, Bektemir tumanlari bilan bog'lash uchun xizmat ko'rsatadi. Shohbekatda 4 nafar tajribali nozim, jumladan, Bahrom Ashurov, Gulnora Shohidova, Yulduz Nazarova va Elvira Karabaeva o'zlariga biriktirilgan vazifani sidqidildan bajarib kelmoqda. Nozimxonada barcha ishlar o'z o'rnida tashkil etilgan. Avtobuslar belgilangan nizomga muvofiq nazorat qilinmoqda. Shohbekat ichki va tashqi ko'rinishi zamon talablarga javob beradi. Barcha qulaylik va shart-sharoitlar mavjud. Nozimxonada haydovchi va chiptachilar dam olish uchun ham sharoit yaratilgan.
    Shohbekatda 6ta, ya'ni 24-, 26-, 43-, 51-, 83- va 149-yo'nalish avtobuslari nozimlar nazoratidan o'tadi, – deydi navbatchi nozim Elvira Karabaeva. - Avvalo, mehnat intizomi, ahillik va o'zaro hamkorlik asosida faoliyat olib boramiz. Haydovchining oraliq vaqtini hisobga olish, unga rioya qilayotganini nazorat etish esa birlamchi vazifamiz sanaladi. Har kuni o'rtacha 60tadan ortiq avtobus harakatini kuzatsak, ular kun mobaynida 670 dan ziyod qatnovni amalga oshiradi. Kun davomida haydovchi tomonidan yo'nalishda qatnov muntazamligini ta'minlash, oraliq daqiqaga rioya qilish, turli tasodif bilan sodir bo'lgan uzilish va vaqt cho'zilishlarini bartaraf etish choralarini ko'rishga intilamiz.

   

Shanba, 23 Dekabr 2017
Page 7 of 19
Avtobus buyurtmasi
1062 Ishonch telefoni
mg.uz
my.gov.uz
tshtx.uz 

Foydali resurslar

edportal  fondbozori
gov.uz my.gov.uz
lex.uz cert.uz dc.uz
gis.uz strategy.gov.uz Ctrl+Enter

Aloqa uchun muloqotlar

Umumiy bo'lim
Tel.: (+998 71) 233-89-21
Faks: (+998 71) 233-34-40
Xorijiy hamkorlar bilan muloqot qilish uchun telefoni / Phone for communication with foreign partners: (+998 71) 233-52-63

Yangiliklarga obuna boling

Xozir saytda 1838 mehmon

Yandex.Metrika

 

Click to listen highlighted text! GSpeech