Click to listen highlighted text! GSpeech
A- A A+

Yangiliklar

BIRINCHI PREZIDENTIMIZ ISLOM KARIMOV TAVALLUD TOPGANIGA 80 YIL TO‘LDI

10         BUYUK DAVLAT ARBOBIGA EHTIROM
       Vatan ravnaqi, el-yurt manfaatini o‘ylab, ezgu maqsad yo‘lida fidokorona xizmat qilgan insonlarning zahmatli mehnati, aziz xotirasi yillar o‘tsa-da unutilmaydi. Ular hamisha avlodlar tomonidan minnatdorlik ila yodga olinadi. Davlatimiz rahbari Shavkat Mirziyoyev tomonidan “O‘zbekiston Respublikasining Birinchi Prezidenti, buyuk davlat va siyosat arbobi Islom Abdug'anievich Karimov tavalludining 80 yilligini nishonlash to‘g'risida” qaror qabul qilingani buning yorqin isbotidir.
         Ayni kunlarda butun mamlakatimizda Birinchi Prezidentimiz Islom Karimovning 80 yilligi keng nishonlanmoqda, shu munosabat bilan uning hayoti, faoliyati va merosini o‘rganish va targ’ib qilishga qaratilgan ma'naviy-ma'rifiy tadbirlar tashkil etilmoqda.
     Xalqimizning ardoqli farzandi Islom Karimov yurtni mustabid tuzum zulmidan ozod qilib, milliy davlatchiligimizni qayta tikladi, eng murakkab va og'ir pallada mamlakatga rahbarlik qilib mas'uliyatini o֯‘z zimmasiga oldi. Davlatimiz rahbari Shavkat Mirziyoyev ta'kidlaganidek, “Milliy tariximizning eng keskin va tahlikali davrida, millatlararo to'qnashuvlar va boshqa ziddiyatlar avj olgan, mamlakatimizda fuqarolar urushi xavfi yuzaga kelgan, iqtisodiyot chuqur inqirozga uchragan, bir so‘z bilan aytganda, eski zamonning umri tugab, yangi zamon boshlanayotgan bir paytda Islom Abdug'anievichning respublika rahbari etib saylanishi Yaratganning xalqimizga bebaho marhamati bo‘lgan edi”.

         

Shanba, 03 Fevral 2018

YURT TARAQQIYOTI UCHUN DASTURILAMAL HUJJAT

    2018 yil yurtimizda "Faol tadbirkorlik, innovatsion g'oyalar va texnologiyalarni qo'llab-quvvatlash yili" deb e'lon qilinganidan xabaringiz bor. Tahlilchilar joriy yil jamiyat hayotining turli sohalarida amalga oshirilayotgan islohotlar yanada jadal va keng ko'lamli bo'lishini ta'kidlamoqdalar. Davlatimiz rahbari Shavkat Mirziyoyev joriy yil 22 yanvar kuni imzolagan "2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha Harakatlar strategiyasini "Faol tadbirkorlik, innovatsion g'oyalar va texnologiyalarni qo'llab-quvvatlash yili"da amalga oshirishga oid davlat dasturi to'g'risida" farmon ham bu fikrni tasdiqlab turibdi.
    Mazkur farmon Davlat das¬turining asosiy yo'nalishlari va uni amalga oshirishning birinchi navbatdagi chora-tadbirlarini belgilab bergani bilan ahamiyatlidir. Aytish joizki, Davlat dasturi yurtdoshlarimizning fikr-mulohaza va takliflari asosida ishlab chiqildi. Dastur loyihasi aholi o'rtasida keng va atroflicha muhokama qilindi. Muhokamalar asnosida fuqarolardan 4,4 mingta taklif va sharh kelib tushdi va ulardan dasturni takomillashtirishda foydalanildi. Ma'lumki, Harakatlar strategiyasi o'rta muddatli istiqbolda davlat siyosatining ustuvor yo'nalishlarini belgilab bergan eng muhim dasturiy hujjat hisoblanadi. O'tgan yili Harakatlar strategiyasini amalga oshirishda "Inson manfaatlari – hamma narsadan ustun" degan tamoyil va "Xalq davlat idoralariga emas, davlat idoralari xalqimizga xizmat qilishi kerak" degan ezgu g'oyaning hayotga amaliy tatbiq etilishiga alohida e'tibor qaratilgan edi. 2018 yilda esa Harakatlar strategiyasida ko'zda tutilgan maqsad va vazifalar ko'lami kengayib, yurtimiz yangi taraqqiyot bosqichiga qadam qo’yishi kutilmoqda.

Yakshanba, 28 Yanvar 2018

OTA KASBI FAXRLI

1 park mohir hay 2018    Avtoulov boshqarish, shunchaki oddiy bir mashg'ulot-da, deydiganlar xato qiladi. Haydovchilik, ayniqsa, yo'lovchi transportini boshqarish – mas'uliyatli va sharafli kasb. Yo'lovchilarga xizmat ko'rsatish, odamlar mushkulini oson qilish, har kun o'nlab insonlardan rahmat eshitish, yurtdoshlar duosini olib yurish har kimga ham nasib qilavermaydi. O'z kasbining fidoyilari, yo'lovchilarni chin dildan hurmat qiluvchi haydovchilar ana shunday maqtovga loyiq bo'ladi. Har kun yuzlab yo'lovchilardan, balli, kam bo'lmang, otangizga rahmat degan olqishu duolarni olishadi.

Yakshanba, 28 Yanvar 2018

ZAMON BILAN HAMQADAM BO'LAYLIK

kasaba uyushmalari 2018    Oxirgi bir yil ichida O'zbekistonda yuz berayotgan o'zgarishlar mamlakatimiz tub burilishlar sari qadam qo'yganidan dalolat berib turibdi. Kundalik turmushimizda har kuni biror yangilik, biror o'zgarish ko'zga tashlanadi. Eng muhimi, bu o'zgarishlar shunchaki, xo'jako'rsinga amalga oshirilayotgani yo'q. Mamlakat aholisining har bir qatlami istak va imkoniyatlari chuqur o'rganilib, tahlil qilinib, jamiyatda to'planib qolgan mavjud muammolar echimiga yo'l axtarilmoqda. Yangi-yangi qonun, farmon va qarorlar amalga tatbiq etilmoqda. E'tiborli tomoni, endilikda qonun loyihalari faqat soha xodimlari tomonidan tor doirada muhokama qilinib qabul qilinmayapti, balki keng jamoatchilik, yurtdoshlarimizning fikr-istaklari inobatga olingan holda tayyorlanmoqda.       Qolaversa, har bir qonun loyihasi jamoatchilik hukmiga havola qilinib, muhokama jarayonida yurtdoshlarimiz faol ishtirok etmoqda. Shu bois, mamlakatimiz Prezidenti imzolayotgan farmon va qarorlar keng jamoatchilik tomonidan iliq kutib olinib, xalqimiz tomonidan qo'llab-quvvatlanmoqda.

Shanba, 20 Yanvar 2018

VATAN HIMOYACHILARI KUNI "TOSHSHAHARTRANSXIZMAT" AKSIYADORLIK JAMIYATI JAMOASI

   Qadimiy va hamisha navqiron Toshkent aholisi hamda mehmonlarini, jamiyat tizimidagi korxona va tashkilotlarda sidqidildan mehnat qilib kelayotgan fidoyi transportchilarni, xususan, mamlakat tinchligi va barqarorligi yo'lida jonbozlik ko'rsatayotgan fidoyi yurtdoshlarimizni O'zbekiston Respublikasi Qurolli Kuchlari tashkil etilganining 26 yilligi va Vatan himoyachilari kuni bilan samimiy tabriklaydi.
   Bu yil mazkur shonli sana yangi shaklda nishonlanmoqda. O'zbekiston Prezidentining 2017 yil 7 dekabrdagi farmoyishiga muvofiq, bayram arafasida Toshkentda hamda viloyatlar markazida harbiy vatanparvarlik festivallari tashkil etildi. Umuman, yoshlarni harbiy vatanparvarlik ruhida tarbiyalashga qaratilgan yana ko'plab ma'rifiy tadbirlar o'tkazilmoqda. Bularning bari Vatanimizning munosib himoyachilarini sharaflashga qaratilgandir. Zero, davlatimiz rahbari Shavkat Mirziyoyev qayd etganidek, "El-yurtimizning tinchligini ta'minlash maqsadida bugun mudofaa sohasida amalga oshirilayotgan islohotlarning qanchalik samara berishi armiya va xalqning birdamligiga bog'liq".

Shanba, 13 Yanvar 2018

VATAN OSTONADAN BOSHLANADI

    Men Buxoro viloyatida tug'ilib voyaga etdim. 2009-2010-yillar harbiy xizmatni Toshkent viloyatining Zangiota tumanidagi harbiy qismda o'tadim. Xizmatda Vatan degan qutlug' nom mohiyatini teran anglab etdim, desam xato bo'lmaydi. Xalqimiz "Vatan ostonadan boshlanadi", deya bejiz aytmaydi. Binobarin, Vatanni himoya qilish – insonning o'z ostonasi, ya'ni uyi, oilasi, ota-bobolarining tabarruk xoki yotgan muqaddas tuproqni himoya qilish, deganidir. Shuning uchun ham Vatan himoyachisi degan nom sharaflidir. Ajdodlarimiz yurt tuprog'ini ko'zlariga to'tiyo etganlar, qaerga borsalar ham Vatan yodi bilan nafas olganlar. Hech kim tug'ilgan tuprog'idan tashqarida baxt-saodatga erisha olmaydi. Har bir insoning tug'ilgan yurti uning uchun dunyodagi eng go'zal va muqaddas makondir. Vatanga mehr-muhabbati bo'lmagan insonni ota-onasiga mehri bor desalar, bunga sira ishonish qiyin.
    Ona yurtga sadoqatli bo'lish, ajdodlar merosiga qiziqish, milliy ma'naviyatdan bahramandlik o'ziga ishonch, kelajak oldida mas'ullik tuyg'ularini tarbiyalaydi. Yurtimizning barcha go'shalarida – korxona va tashkilotlarda Vatan himoyachilari kuni munosabati bilan tadbirlar o'tkazishning mazmun-mohiyatida Respublikamiz Qurolli kuchlarining salohiyati, obro'si, mamlakatimiz mustaqilligi hamda hududiy yaxlitligi, xalqimizning tinch hayoti va mustaqillikni mustahkamlash yo'lidagi bunyodkorlik ishlariga kamarbasta bo'lish, Vatanga sodiq va fidoyi yoshlarni tarbiyalash kabi ezgu maqsadlar yotadi.

Shanba, 13 Yanvar 2018

ENG MUHIMI YO'LOVCHILAR MAMNUN

2018 man 12 park el mamnun   Ma'lumki, 2017 yil shahar yo'lovchi tashish transporti tizimi, xususan, "12-avtobus saroyi" MChJ jamoasi uchun quvonchli yakunlandi. Boisi, avtokorxona o'nlab yangi avtobuslarga ega bo'ldi. 22ta kichik sig'imli "ISUZU" va 14ta yirik sig'imli "MAN" rusumli avtobuslar avtokorxona tasarrufiga o'tdi. — Bu xayrli ishdan, avvalo, yo'lovchilar xursand bo'lganini ta'kidlashni istardim, – deydi biz bilan suhbatda mazkur avtokorxonaning tasarruf bo'yicha direktor o'rinbosari Dilshod Raupov.

Shanba, 13 Yanvar 2018

TADBIRKORLAR DIQQATIGA!

   “Toshshahartransxizmat” AJ Shahar jamoat transportida qatnovchi transport vositalarini siqilgan gazga o'tkazish munosabati bilan, siqilgan gaz uskunalarini o'rnatuvchi tadbirkorlarni hamkorlikka chaqiradi.

Qo'shimcha ma'lumot uchun telefonlar: +99871 233-51-33,  +99871 233-48-73

 

 

"Toshshahartransxizmat" AJ axborot xizmati

Seshanba, 09 Yanvar 2018

DASTURCHI KOMPANIYALAR DIQQATIGA!

   “Toshshahartransxizmat” AJ O'zbekiston Respublikasi Vazirlar Mahkamasining 2013 yil 13 noyabrdagi 308-sonli qarorida belgilab berilgan axborot kommunikatsiya texnologiyalarini rivojlantirishda, xarakat tarkibining navigatsiya nazorati tizimlarini (GPS) keng joriy etish, maqsadida 2018 yil uchun GPS monitoring tizimini yaratish va texnik qo'llab quvvatlash bo'yicha dasturchi kompaniyalarni hamkorlikka chaqiradi.

Qo'shimcha ma'lumotlar uchun telefon: +99871 233-11-18

 

"Toshshahartransxizmat" AJ axborot xizmati

Seshanba, 09 Yanvar 2018

XALQ DILIDAGI GAPLAR

2018 majlis    2017 yil yakunidagi eng muhim hodisa bu Prezidentimiz Shavkat Mirziyoyevning Oliy Majlis Senati va Qonunchilik palatasi a'zolariga Murojaatnomasi bo'ldi. Aytish mumkinki, mazkur tarixiy hujjat mamlakatimizni yanada taraqqiy toptirish, parlament faoliyatini yangi bosqichga ko'tarish, barcha jabhada keng ko'lamli islohotlarni ro'yobga chiqarish, aholi farovonligini yuksaltirishga qaratilgani bilan ahamiyatlidir. Xalqqa xizmat qilish, ishonch va g'amxo'rlik ko'rsatish, uning baxti hamda farovonligi uchun qayg'urish ruhi bilan sug'orilgan mazkur Murojaatnoma mustaqillikka erishganiga 26 yil bo'lgan O'zbekistonimizning ijtimoiy-siyosiy hayotida ulkan o'zgarishlar va tub burilish davriga yo'l ochdi.
   Shu bois ham Murojaatnomani har bir yurtdoshimiz chuqur hayajon va zo'r qiziqish bilan tingladi. Binobarin, bu tarixiy voqelikda ko'tarilgan masalalar, o'rtaga tashlangan jamiki muammolar barchamizning bugunimiz hamda ertangi kunimizga, hayotimiz va orzu-umidlarimizga bevosita daxldordir. Ushbu hujjatni nafaqat xalqimiz, balki dunyo jamoatchiligi ham katta qiziqish bilan kutib oldi. Buni ijtimoiy tarmoqlarda peshqadam olimlar, nufuzli ekspertlar va keng jamoatchilik tomonidan bildirilayotgan ko'plab fikrlar misolida ko'rish mumkin.
    Prezidentimizning kuyinchaklik bilan oqni oq, qorani qora, deya xolisona bildirgan fikrlari xalqimizning ayni dilidagi gaplar bo'ldi.    Bu asnoda davlat hamda jamiyatni tubdan rivojlantirish, Harakatlar strategiyasida nazarda tutilgan maqsad va ustuvor yo'nalishlarni ro'yobga chiqarish bilan bog'liq dolzarb vazifalar aniq, lo'nda hamda haqqoniy ko'rsatib berildi.
Qolaversa, shu damgacha ko'z yumib kelingan o'zibo'larchilik, ko'zbo'yamachilik, byurokratiya, korruptsiya kabi illatlar tag-tomiri bilan yo'qolishi uchun faqat tegishli idora yoki mutasaddi shaxslar emas, balki har bir fuqaro ma'lum darajada mas'ul ekani ta'kidlandi. Murojaatnomada tilga olingan fikrlar, qaydlar, raqamlar, tanqidiy-tahliliy mulohazalar imoni butun har bir kishini, har bir vatanparvar insonni chuqur o'yga toldiradi, ayni damda, kelajakka katta ishonch bilan qadam bosishga turtki beradi.
    Ham hajman, ham mazmunan juda keng sanalgan Murojaatnomada xalq manfaati, xalqqa xizmat qilish, xalqni e'zozlash g'oyasi markaziy o'rin tutadi. Shu ma'noda, mazkur tarixiy hujjat xalqimizning hayotiy ehtiyoj va manfaatlarini ta'minlash borasida olib borilayotgan ishlar ko'lamini kelgusida yanada oshirishga xizmat qiladi. Zero, davlatimiz rahbari ta'biri bilan aytganda, xalqimiz ertaga emas, uzoq kelajakda emas, aynan bugun o'z hayotida ijobiy o'zgarishlarni ko'rishni istaydi. Bizning mehnatkash, oqko'ngil, bag'rikeng xalqimiz bunga to'la haqlidir.
   

Yakshanba, 07 Yanvar 2018
Page 6 of 19
Avtobus buyurtmasi
1062 Ishonch telefoni
mg.uz
my.gov.uz
tshtx.uz 

Foydali resurslar

edportal  fondbozori
gov.uz my.gov.uz
lex.uz cert.uz dc.uz
gis.uz strategy.gov.uz Ctrl+Enter

Aloqa uchun muloqotlar

Umumiy bo'lim
Tel.: (+998 71) 233-89-21
Faks: (+998 71) 233-34-40
Xorijiy hamkorlar bilan muloqot qilish uchun telefoni / Phone for communication with foreign partners: (+998 71) 233-52-63

Yangiliklarga obuna boling

Xozir saytda 1474 mehmon

Yandex.Metrika

 

Click to listen highlighted text! GSpeech