Click to listen highlighted text! GSpeech
A- A A+

Yangiliklar

MEHNAT — INSON UMRI BEZAGI

    Inson butun kuch-quvvati, umrini baxsh etib mehnat qilayotgan kasb — bu uning qismati. Qismatdan nolish noo'rin, aksincha, kishi o'zining halol mehnati, sa'y-harakatlari bilan umr daftarini bezab boradi."Toshshahartransxizmat" aksiyadorlik jamiyati tarkibidagi "5-avtobus saroyi" MChJda qator yillardan buyon navbatchi nozim bo'lib ishlab kelayotgan Dilnoza Tojiboeva ana shunday – taqdiridan rozi bo'lib o'z kasbini oqlab kelayotgan ishchilardan. U Navro'zi olam arafasida "Toshshahartransxizmat" aksiyadorlik jamiyati rahbariyati tomonidan ko'p yillik samarali mehnati, ishlab chiqarishda erishgan yutug'i, jamoat ishlaridagi faol ishtiroki uchun "Toshkent shahar yo'lovchilar tashish transporti Faxriy xodimi" nishoni bilan taqdirlandi.

Juma, 28 Iyul 2017

MA'NAVIYAT SARI QADAM YOXUD MA'RIFAT DARSLARI

    Inson birgina o'zi sevgan yoki tanlagan kasbining sir-asrorlarini puxta egallashi bilan ko'zlagan maqsadiga erishishi mushkul. U odamiylik, insoniylik ilmidan ham boxabar bo'lmoqligi zarurligini kundalik turmushning o'zi taqozo qiladi. Bu ikki omil, ya'ni bilim, ko'nikma va ma'rifat birlashmas ekan, ishda unum bo'lmaydi, inson har xil mayda tashvishlar ichida o'ralashib qolaveradi. Odamlar bilan muomala, so'zlashuv madaniyati, o'zaro hurmat-izzat, o'zi yashayotgan yurtga bo'lgan muhabbat, farzandlik burchini, qarzdorlik hissini tuyub mehnat qilish har qanday kasb egasiga fayz baxsh etadi. Bugun yurtimizda turli soha xodimlari orasida "Ma'rifat darslari", "Ma'naviyat soatlari"ning muntazam ravishda olib borilishining boisi ham ana shunda. Dehqon ham, ishchi-xizmatchi ham, olim ham, haydovchi yoki traktorchi ham dunyoga eng avvalo, ma'rifat nigohi bilan qarashi shart.
    "Toshshahartransxizmat" aksiyadorlik jamiyati tarkibida bugun 6 000 nafardan ziyod ishchi-xizmatchi mehnat qilib keladi. Ma'lumki, Jamiyatning asosiy vazifasi Toshkent shahri aholisi va poytaxtimiz mehmonlariga sifatli, madaniyatli va xavf-xatarsiz transport xizmati ko'rsatishdan iborat. Shunday ekan, Jamiyat tarkibiga kiruvchi avtokorxonalar xodimlari orasida ma'naviy-ma'rifiy ishlarni tizimli ravishda yo'lga qo'yish, ayniqsa, haydovchi va chiptachilar malakasini oshirish yo'lida muayyan ishlarni amalga oshirib borish Jamiyat rahbariyati diqqat-e'tiboridagi ishlardan sanaladi.

Juma, 21 Iyul 2017

ENG OLIY MUKOFOT – YO'LOVCHI E'TIROFI

19 07 17    Bugun poytaxt Toshkent ko'chalarida 129ta yo'nalish bo'ylab 1000ga yaqin avtobus aholiga xizmat ko'rsatib keladi. Zamon talabi bilan yo'lovchilarga madaniyatli xizmat ko'rsatish, yo'lovchilar ishonchi va hurmatini qozonish “Toshshahartransxizmat” aksiyadorlik jamiyati tarkibidagi avtokorxonalar oldida turgan muhim vazifalardan biri sanaladi. Savol tug'iladi.
    Shahar jamoat transporti tizimida olib borilayotgan islohotlar qanchalar o'z samarasini beryapti?
    Haydovchi va chiptachilar faoliyatidan yo'lovchilar qoniqish hosil qilyaptimi?
    Umuman, poytaxt jamoat transporti xususida yo'lovchilarning munosabati qanday?
    Ochig'ini aytish kerak, bugun yurtdoshlarimizning o'zlari jamiyatda ro'y berayotgan o'zgarishlarni kuzatib turibdi. Kuzatib turibdi, degani, shunchaki tomoshabin bo'lib turibdi, degani emas, albatta. Odamlarimiz bugungi kun nafasi bilan yashayapti, o'z fikr, qarashlari bilan o'zgarishlar jarayonida bevosita ishtirok etishmoqda. Xususan, poytaxt jamoat transporti faoliyati to'liq jamoatchilik nazorati ostida desak, yanglishmagan bo'lamiz. Boisi, yo'lovchilarning o'zi tizim ishini yaxshilashga ko'maklashmoqda. Masalan, ular avtobusda chekib ketayotgan yoki telefonda gaplashayotgan haydovchini ko'rsa, darrov rasmga tushirib, ijtimoiy tarmoqlarga joylamoqda, yo'l qo'yilayotgan qo'pol xatolar yuzasidan kerakli joylarga murojaatlar qilishmoqda. Bu kabi choralar tizim ishini yaxshilashga xizmat qilmoqda. Shuni ta'kidlash kerakki, “Toshshahartransxizmat” AJ tizimidagi ishlarga aksariyat hollarda tanqidiy yondashish ko'proq ko'zga tashlansa-da, tizimda vijdonan mehnat qilayotgan, yo'lovchilar olqishi va hurmatini egallayotgan ishchi-xodimlar ham talaygina. Buni fuqaro N.F.Agishevaning 2017 yil 13 iyulda Yagona interaktiv davlat xizmatlari portaliga yozgan minnatdorchilik xatidan ham bilsa bo'ladi. Yo'lovchi haydovchi yoki xizmat ko'rsatayotgan chiptachi faoliyatiga xolis, ob'ektiv baho beradi.

Payshanba, 19 Iyul 2017

YO'LOVCHILAR OQIMINI O'RGANISH YOKI ISLOHOTLAR SARI MUHIM QADAM

monitoring17    Bugun kundalik hayotimizning barcha sohalarida mavjud bo'lgan kamchiliklar ochiq-oydin tahlil qilinib, zarur chora-tadbirlar ko'rib borish odatiy holga aylandi. Muammolarni ko'rib ko'rmaslikka olish, kamchiliklarni bartaraf etish o'rniga loqayd tomoshabin bo'lib o'tirish nechog'li xatarli ekanini davrning o'zi ko'rsatib turibdi. Bugun oldimizda turgan kamchilik, nuqsonlardan ko'z yumar ekanmiz, ertaga o'zimiz ushbu muammolar girdobida qolishimiz turgan gap. Shu ma'noda shahar jamoat transporti tizimida ham o'z echimini kutib turgan muammolar talaygina ekani sir emas. O'zbekiston Respublikasi Bosh vazirining birinchi o'rinbosari, "O'zbekiston temir yo'llari" aktsiyadorlik jamiyati boshqaruvi raisi A.Ramatov boshchiligida "Toshshahartransxizmat" aksiyadorlik jamiyati majlislar zalida joriy yilning 20 iyun kuni bo'lib o'tgan sayyor yig'ilishda bu masala batafsil muhokama qilindi. Sohada yuz berayotgan qator muammolar bir-bir sanalib, ularni birgalikda bartaraf etish yo'llari aytib o'tildi. Ushbu yig'ilishda ko'plab vazirlik va idoralarning mas'ul xodimlari ishtirok etib, tizim ishini olg'a surish yo'lidagi masalalar jiddiy tahlil va muhokama ob'ektiga aylandi.
    Yig'ilishda jamoat transporti tizimi ishini muvofiqlashtirish, haydovchi va chiptachilarda xizmat ko'rsatish madaniyatini yuksaltirish borasida olib borilgan ishlar shu paytgacha etarli bo'lmagani, natijada yo'lovchilar tomonidan haqli e'tirozlar bo'layotgani, bu esa o'z navbatida tizim ishini tubdan yangilashni taqozo etayotgani ta'kidlandi.
    Shunga ko'ra "Toshshahartransxizmat" aksiyadorlik jamiyati qoshida maxsus shtab tashkil qilinib, joriy yilning 3-9 iyul kunlari shahar yo'lovchi transportini mavsumiy o'rganish tadbirlari Toshkent shahar tumanlari kesimida amalga oshiriladigan bo'ldi. Monitoring ishlarini olib borishda "O'zbekiston temir yo'llari" aksiyadorlik jamiyati, O'zbekiston Avtomobil va daryo transporti agentligidan, Toshkent avtomobil yo'llarini loyihalash, qurish va ekspluatasiyasi institutidan hamda "Toshshahartransxizmat" aksiyadorlik jamiyatidan, jami 1400 nafarga yaqin ishchi-xizmatchi jalb qilindi.
    Monitoring o'tkazilishidan ko'zlangan asosiy maqsad shahar yo'lovchi tashish transporti harakat muntazamligini ta'minlash, yo'lovchi oqimidan kelib chiqqan holda daromad rejasini aniqlash, haydovchilarning yo'l harakati qoidalariga rioya qilishini tekshirish, yo'lovchilar soniga mos tarzda transport vositalari bilan yo'nalishni ta'minlash va shu kabi muhim masalalardan iborat.

Dushanba, 10 Iyul 2017

Yo'lovchilar oqimini o'rganish

Hurmatli Toshkent shahri aholisi va mehmonlari !

    Yo'lovchilar tashishni tashkil qilish samaradorligini oshirish, avtobus yo'nalishlarini yanada optimallashtirish, harakatlanadigan tarkibning ratsional miqdorini aniqlash maqsadida 2017 yilning 3 iyulidan boshlab “Toshshahartransxizmat” AJ tizimidagi avtobus saroylari yo'nalishlarida yo'lovchilar oqimini o'rganish olib boriladi.
    Yo'lovchilar oqimini o'rganish davomida faol ishtirok etishingizni, yo'l kira haqini o'z vaqtida to'lab borishingizni va bir martalik chiptalarni chipta sotuvchilardan talab qilishingizni iltimos qilamiz.
    Ko'rsatilayotgan yo'lovchi tashish xizmatlari sifati bo'yicha takliflaringiz va e'tirozlaringizni “Toshshahartransxizmat” AJ saytiga yuborishingizni yoki “1062” raqamli ishonch telefoniga qo'ng'iroq orqali berishingizni so'raymiz.

Seshanba, 27 Iyun 2017

E'lon

    "Toshshahartransxizmat" AJ Kuzatuv kengashining 2017 yil 16 iyundagi majlis qaroriga muvofiq, jamiyat yagona aktsiyadorining 2016 yil yakuni bo'yicha navbatdagi umumiy yig'ilishi o'tkazilishini ma'lum qiladi.

    Umumiy yig'ilish o'tkazish sanasi: 2017 yil 29 iyun kuni soat 11.00da

    Manzili: Toshkent shahar A.Temur 1-tor ko'chasi, 6-uy.

Dushanba, 19 Iyun 2017

MOST QURILISHI MUNOSABATI BILAN

HURMATLI YO'LOVCHILAR!

    Kichik halqa yo'lidan Farg'ona yo'liga o'tuvchi qismida yo'l o'tkazmasi qurilishi munosabati bilan 2017 yil 18 iyundan 10 iyulgacha kichik halqa yo'lidan Farg'ona yo'liga o'tuvchi qismi, transport harakati uchun vaqtinchalik yopiladi. Qurilish davrida 12, 26, 37, 68, 81, 93, 127-sonli avtobus yo'nalishlarining harakati Sarakul, Mehrijon va Qo'shko'prik ko'chalari orqali keyingi harakati o'z yo'nalishida davom ettiradi. Yuzaga keltirilgan noqulayliklar uchun uzr so'raymiz.

Yakshanba, 18 Iyun 2017

HARAKAT XAVFSIZLIGINI TA'MINLASH ustuvor vazifa bo'lib qoladi

    Istiqlol tufayli poytaxtimiz Toshkentda kun sayin avtotransport vositalari soni ortib bormoqda. Avtoulovlar harakatini engillashtirish va xavfsizligini ta'minlash maqsadida shahrimizda yangi yo'llar, yo'l o'tkazgichlari, ko'priklar qurilib, ular atrofi obodonlashtirilmoqda.
    Avtobus korxonalarida yo'l harakati xavfsizligini ta'minlash, jumladan, YTHlarning oldini olish, haydovchilar bilan tushuntirish va profilaktik ishlari, yo'nalishlarda haydovchilarning ishi ustidan nazorat qilish ishlari etarli darajada olib borilganligi natijasida 2017 yilda haydovchilar ishtirokida sodir etilgan YTHlar va yo'l harakati qoidabuzarliklari soni 2016 yilga nisbatan sezilarli kamaymagan. Shunday bo'lsa-da, zamonaviy tezkor transport vositalarida yo'l transport hodisalari yuz berib turibdi. Jumladan, "Toshshahartransxizmat" AJ tarkibidagi avtokorxonalar haydovchilar tomonidan 2017 yilning 4 oyi davomida jami 14ta yo'l-transport hodisaci sodir etildi. Buning oqibatida 1 kishi vafot etgan va 16 kishiga turli darajadagi tan jarohatlari etkazilgan. Mazkur YTHlarning 12tasi yoki 86 foizi avtobus korxonalarining haydovchilari tomonidan sodir etilgan. Qolaversa, joriy yilning o'tgan to'rt oyi mobaynida haydovchilar tomonidan yo'nalishlarda 781 marotaba yo'l harakati qoidalari buzilgan. Ushbu qoidabuzarliklarning 86 foizi avtobus korxonalari haydovchilari tomonidan yo'l qo'yilgan. Ana shunday salbiy holatlarning oldini olish, harakat xavfsizligiga qat'iy rioya etilishini ta'minlash, bu boradagi sa'y-harakatlarni yanada kuchaytirish maqsadida "Toshshahartransxizmat" aksiyadorlik jamiyati 2017 yil 29 mayda "Toshshahartransxizmat" AJ tarkibidagi avtobus korxonalarda yo'l harakati xavfsizligini ta'minlashni yanada kuchaytirish chora-tadbirlari to'g'risida" buyruq qabul qildi. Buyruqda yo'nalishlarda harakat xavfsizligini ta'minlashni yanada kuchaytirish, yo'lovchilarga yuqori saviyada madaniyatli xizmat ko'rsatish borasidagi aniq topshiriq va vazifalar jamiyat bo'lim boshliqlari va avtokorxonalar rahbarlari hamda harakat xavfsizligini ta'minlash bo'limi mutaxassislari zimmasiga yuklatilgan.

Dushanba, 05 Iyun 2017

“Toshshahartransxizmat” AJ faoliyati tubdan o'zgartirilmoqda.

    2017 yilning 17 may kuni "Toshshahartransxizmat" AJ boshqaruv raisi v.v.b. X.Xolmatov raisligida jamiyat tarkibidagi barcha korxonalar rahbarlari, mutasaddi xodimlari ishtirokida navbatdagi videoselektor yig'ilishi bo'lib o'tdi.
    Mazkur yig'ilishda X.Xolmatov 2017 yilning 12 va 13 may kunlari o'tkazilgan yig'ilishlarda berilgan topshiriqlarning ijrosi to'g'risida har bir avtobus korxonasi rahbarining hisobotini tingladi. Avtobus korxonasi rahbarlariga ishni tubdan yaxshilash va fidokorona mehnat qilib o'zini ko'rsatish uchun rahbarlarga berilgan 10 kunlik muddatdan 5 kuni o'tib ketganini, o'tgan vaqt davomida sezilarli o'zgarishlar bo'lmaganini tanqid qildi.

Payshanba, 17 May 2017

Toshkent shahar hokimining 2017 yil 12 maydagi 578-sonli qarori to'g'risida

    Toshkent shahar hokimining 2017 yil 12 maydagi 578-sonli qaroriga asosan Xosil Xusanovich Xalmatov “Toshshahartransxizmat” AJ boshqaruv raisi vazifasini vaqtincha bajaruvchi etib tayinlandi.
    X.Xalmatov raisligida 2017 yilning 13 va 14 may kunlari jamiyat tarkibidagi barcha korxonalar rahbarlari, mutasaddi xodimlari va yo'lovchi tashuvchi yo'nalishlar sardorlari ishtirokida kengaytirilgan yig'ilishlar o'tkazildi.

Dushanba, 15 May 2017
Page 4 of 12
Avtobus buyurtmasi
1062 Ishonch telefoni
mg.uz
my.gov.uz
tshtx.uz 

Foydali resurslar

edportal  fondbozori
gov.uz my.gov.uz
lex.uz cert.uz dc.uz
gis.uz strategy.gov.uz Ctrl+Enter

Aloqa uchun muloqotlar

Umumiy bo'lim
Tel.: (+998 71) 233-89-21
Faks: (+998 71) 233-34-40
Xorijiy hamkorlar bilan muloqot qilish uchun telefoni / Phone for communication with foreign partners: (+998 71) 233-52-63

Yangiliklarga obuna boling

Xozir saytda 1808 mehmon

Yandex.Metrika

 

Click to listen highlighted text! GSpeech