Click to listen highlighted text! GSpeech
A- A A+

Yangiliklar

ХАЛҚИМИЗ СУЙГАН САНЪАТКОРЛАРИМИЗДАН ЯНГИ ЙИЛ ТАБРИГИ

Ассалому алайкум! қадрдонларим! Мана шонли умримиздан яна бир йил билан хайрлашмоқдамиз. Нима дердик, энг яхши тилакларимни билдираман. Ким нимани ният қилган бўлса шу бошланаётган йилда илойим амалга ошсин. Айниқса, транспортчиларнинг меҳнатини яхши қадрлашимиз керак, ҳаммамиз кўчада юрамиз-ку, биламиз уларнинг захматли хизматларини. Шу маънода ана шу қадрдонларимизнинг барча ўйлаган ниятлари кириб келаётган Янги йилда ўзлари кутганидан ҳам ортиқ бўлиб амалга ошаверсин! Одам яхши ният қилаверса барибир шунга эришар экан. Барчамизга Янги йил қутлуғ бўлсин!

Матёқуб МАТЧОНОВ,

актёр

Барча юртдошларимизни Янги йил билан чин қалбимдан табриклайман. Ўйлаган ният­ларингиз амалга ошсин. 2020 йил орзуларга бой йил бўлсин. Юртимиз тинч, осмонимиз мусаффо бўлсин. Айниқса, пойтахтимиз Тошкент тобора гўзаллашиб, шаҳримиз ҳуснига-ҳусн қўшиб бормоқда. Йўллар, кўчалар, кўприклар, ҳиёбонлар эса бунга яққол мисол бўла олади. Жамоат транспорти хизмати вақтида келиб, одамларни керакли манзилларига олиб борса қандай яхши. Байрам кунлари безатилган чиройли автобуслар йўловчиларга беминнат хизмат қиладилар. Мен ана шу фидойи касб эгаларини Янги йил байрами билан яна бир бор табрик­лайман. Дастурхонлари тўкин-сочин, хонадонларидан файзу-барака аримасин дейман.

Саида РАМЕТОВА,

Ўзбекистон Миллий Академик драма театри актрисаси

Мана бир йил бир пасда ўтиб, яна бир янги йилни қаршиламоқдамиз. 2020 йил ҳаммамиз учун энг эсда қоларли қувончларга бой йил бўлишини истардим. Ким нима орзу ниятлари бўлса ҳаммаси 2020 йилда ижобат бўлишини тилаб қоламан. Янги йилда янги режалар мақсадлар билан қарши олайлик шунда ҳамма орзу ният­ларимиз ижобат бўлади. Энг асосийси, тинчлик ва соғлик тилайман. Қолганларини ўз кучимиз интилишимиз билан эришишимизга Аллоҳдан куч-қувват, соғлиқ сўраб қоламан!

Дилором КАРИМОВА,

актриса

Ассалому алайкум қадрдонлар, азиз транспортчилар! Мана 2019 йилнинг хам охирги ҳафтаси, кунлари, дакикалари, сониялари утиб бормокда... Бу йилда ушалмаган энг эзгу орзу ниятларимизга келаётган йилда эришиб юрайлик! Ҳар доим мартабангиз бунданда улуғ бўлсин, олингу олдирманг, иззатда, ҳурматда, обруда бўлинг! Ҳамиша оилангизда меҳр-оқибат, севги муҳаббат, бахт саодат ҳукм сурсин! Фарзандларингиз ҳар доим сизга фақат раҳмат, ҳурмат, обрў эътибор олиб келадиган бўлишсин! Ота – онангизни умрларига Аллохим умр, соғлиқларига соғлиқ қўшсин! Бундан юқори чуққиларни забт этиб, олға қадам ташлаб юринг! Аллоҳим бераридан қолдирмасин. Келаётган янги йил оилаларимизга бахт, омад, тинчлик, хотиржамлик олиб келсин!

Янги 2020 йилингиз муборак булсин!!!

Тоҳир САИДОВ,

актёр

Ассалому алайкум, онажонлар, отажонлар, транспортчи азизларим! Кириб келаётган янги йил билан барча ҳамюртларимизни табриклайман. 2020 йил ҳаммамиз учун барокатли, тинчлик йили бўлсин. Фарзандларимиз бахтиёр бўлсин. Болалар кулгиси ҳар бир хонадонда янграсин. Ота-оналаримиз, таълим берган устозларимиз соғ-омон бўлишсин. Шулар қаторида “Тошшаҳартрансхизмат” акция­дорлик жамиятига қарашли корхоналарда ҳалол меҳнат қилиб келаётган барча жамоат транспорти вакилларини, уларнинг оила аъзоларини ҳам ушбу байрам билан табриклайман. Ўзбегимни боши ҳамиша тўйдан чиқмасин. Биз санъаткорлар эл-юртга хизмат қилишдан чарчамайлик. Илоҳим юртимизга кўз тегмасин. Ўзбекистон доимо биринчилардан бўлсин ҳамма нарсада!

Абдулла ҚУРБОНОВ,

хонанда

Кириб келаётган янги 2020 йил барчамиз учун баракали ва қувончли йил бўлсин! Тинч-­осойишта юртимиз барча соҳасида ижобий ўзгаришлар авж олиб, ватанимиз дунёга танилишини тилайман! Транспорт соҳасида фаолият юритаётган юртдошларимизни бош­ланажак йил­­­да масъулиятли ишлари бароридан келишига тилакдошман. Барчангизни хушчақчақлик, кўтаринки кайфият асло тарк этмасин! Касби транспорт билан боғлиқ қадрдон юртдош­­ларим, барчангизга Янги йил қутлуғ бўлсин!

Ҳурмат билан, Зуҳра СОЛИЕВА

Авваламбор, барча юртдошларимизни янги кириб келаётган – 2020 йил билан чин қалбимдан таб­риклайман. Эски йилда амалга ошмаган ишлари янги йилда амалга ошишини тилаб қоламан. 2020 йил Транспортчилар учун жуда ҳам омадли келсин! Шу фурсатдан фойдаланиб, Янги йил барокатли келишини ният қиламан. Олдимизда турган улкан имкониятларни қўлга киритишимизни тилаб қоламан. Юртимиз тинч, осмонимиз мусаффо бўлсин. Барча юртдошларимизни яна бир бор кириб келаётган Янги йил билан чин қалбимдан табриклайман!

Асқар ҲИКМАТОВ,

актёр

Ассалому алайкум ҳурматли юртдошлар,  транспортчи қадрдонлар! Барча-барчангизни айни дамда кириб келаётган Янги йил байрами билан чин қалбимдан муборакбод этаман. Азиз транспортчиларимиз, ҳаётингиздан сев­­ги-муҳаббат, меҳр ва қадр ҳеч қачон йўқолмасин. Хонадонларингизда яхшилик ва файз уфуриб турсин. Биздек йўловчиларга сидқидилдан хизмат қилишдан чарчаманг!

Шаҳзода МУҲАММЕДОВА,

актриса

Барча транспортчи ходимларни кириб келаётган янги 2020 йил билан чин қалбимдан муборакбод этаман. Хонадонингиздан қут-барокат, тинчлик ва тотувлик ҳеч қачон аримасин. Қалбингизда неки орзу ва тилаклар, эзгу ниятлар бўлса Тангрим барчасини ижобат қилсин. Юртимизда транспорт соҳаси бўйича олиб борилаётган ислоҳотларда ўз ҳиссангизни қўшишда бардавом бўлинг. Барча транспорт соҳасида ўз фаолиятини олиб бораётган юртдошларимизни кириб келаётган Янги 2020-йил билан чин қалбимдан муборакбод этаман. Хонадонингиздан қут-баракот, тинчлик тотувлик ҳеч қачон аримасин. Қалбингизда неки орзу тилаклар, эзгу ниятлар бўлса Тангрим барчасини ижобат қилсин. Юртимиз тинч, осмонимиз мусаффо, Юртбошимиз омон бўлсинлар. Яна бир бор айём муборак. Энг эзгу тилаклар сизлар учун!

Зоҳиршоҳ ЖЎРАЕВ,

хонанда

Қадрли ҳайдовчилар, транспортчи ходимлар! 2020 йилда шундай бахтли бўлингки, бахтдан қочиб омадга қоқилинг. Қувончга суяниб туриб шодлик сўқмоқларидан юринг, чарчаганда меҳр чашмасидан, омад ариқларидан сув ичиб ҳаёт йўлларида хушнуд давом этинг. 2020 йилда қадрингиз нондак азиз, қалбингиз қордак нафис бўлсин, ҳаётда шундай яшангки ҳамма сизга ҳавас билан боқсин! Келаётган янги йил муборак бўлсин!

Зафар АСҚАРОВ,

театр актёри

2020 йил барчангизга сиҳат саломатлик, бахт, меҳр-муҳаббат ёр бўлишини тилайман. Хонадонингиздан яхши кунлар аримасин. Наин­­ки орзу-ҳаваслар бўлса, бекаму кўст амалга ошсин. Албатта янги йилда яқинларингиз сафи кенгайсин. Касбим тақозоси билан тунлари шаҳримиз кўчаларини кўп кузатганман ва бугун ҳам шунга гувоҳ бўлиб турибман. Жамоат транспорти бир маромда, тартиб билан ҳаракатланса, кўчаларимизда одамлар эркин, хотиржам юради. Сирасини айт­ганда, ҳар бир шаҳарнинг жамоат транспорти маълум маънода унинг қиёфасини белгилайди.

Азиз жамоат транспорти ходимлари халқимизга хизмат қилишдан чарчаманг! Йўловчилар дуосини олиб юринг. Янги йил оилангизга яхшиликлар олиб келсин.

Фирдавс ПАЗЛИДДИНОВ,

хонанда

Shanba, 28 Dekabr 2019

ҚЎЛБОЛА ЖИҲОЗЛАРГА ҚАРШИ КУРАШИЛМОҚДА

“Тошшаҳартрансхизмат” АЖ тасарруфидаги йўналишларда қатновчи автобусларга ҳайдовчилар томонидан меъёрларга зид бўлган жиҳозларни ўрнатишга қарши қатъий кураш олиб борилмоқда. Айниқса, сўнгги вақтларда юқори децибелли сигналлар (воздушка) ўрнатилган автобуслардан бундай воситалар олиб ташланмоқда. Сўнгги ҳафтада қарийб 20 дан ортиқ автобусдан ана шундай меъёрга зид воситалар ечиб олинди.

Бундан ташқари ўзбошимчалик билан автобус ойналарини қорайтириш ҳолатлари ҳам аниқланмоқда. Қонунан рухсат этилмаган бундай ҳатти-ҳаракатлар 30 га яқин автобусда кузатилди ва ҳолат бартараф этилди.

Шунингдек, ҳар куни жамият ва автосаройларнинг ҳаракат хавфсизлиги бўлими ходимлари йўналишларда ўрганиш ўтказиб, хавфсиз ҳаракатланишга халақит берувчи, ҳайдовчилар томонидан ўрнатилган қуюқ тусдаги пардалар ҳам олиб, йўқ қилинмоқда.

Аниқланган барча ҳолатлар бўйича ҳайдовчилар огоҳлантирилмоқда. Йўл қўйилган ноқонуний ҳатта-ҳаракатларни такрорий содир этган ҳайдовчиларга эса интизомий чоралар қўлланмоқда.

Payshanba, 11 Dekabr 2019

ЎЗБЕКИСТОН МАДҲИЯСИГА 27 ЙИЛ

мадхия1

27 йилдирки юртимиз мадҳияси жаҳон майдонлари узра жаранг сочмоқда. Турли сиёсий учрашув ва тадбирлар, халқаро спорт мусобақаларида юртимиз байроғи кўтарилгани замоноқ ҳар бир сатрида юртимиз ва халқимиз ҳақида ҳар қандай кишида тўла тасаввур уйғотиш қудратига эга мадҳиямиз баралла янграмоқда.
Бу эса ҳар қандай киши қалбида ғурур ва ифтиҳор туйғуларини жўш урдиради.
Мадҳиямизнинг қанчалик кўп янграши юртимизнинг шунчалик тараққий этиб, ҳар бир соҳада муваффақият қозониб, жаҳон майдонида ўз ўрнимиз ва мавқейимизга эга бўлиб бораётганимиздан далолатдир.
Шундай экан юртимиз мадҳиясининг жарангги ҳеч қачон сўнмасин. Халқимиз ҳаёти фаровон бўлиб, ватанимиз гуллаб яшнайверсин. Дунё аҳли ҳамиша бизга ҳавас билан қарасин.

 

Seshanba, 10 Dekabr 2019

ФУҚАРОЛАР МУТАСАДДИЛАР ҚАБУЛИДА

“Тошшаҳартрансхизмат” АЖ тизимида мурожаатлар билан ишлашни такомиллаштириш мақсадида ҳафтанинг ҳар пайшанба куни соат 10:00 дан 12:00гача фуқаролар билан давом этиши белгиланган очиқ мулоқот шаклидаги қабулларнинг дастлабкиси бўлиб ўтди.

Дастлабки қабул жараёнларига бир неча фуқаро ташриф буюрди ва уларнинг мурожаати орқали соҳа фаолиятига оид қатор масалаларга ойдинлик киритилди.

Хусусан, фуқаро О.С 26-йўналиш фаолиятидан қониқмаётганини билдирган бўлса, фуқаро М.Ж эса 144, 188-йўналишлардаги автобуслар қатновидан норозилигини билдирди. Фуқаро Қ.М автобусларнинг техник ҳолати билан боғлиқ масалалар билан мурожаат қилди.

Жамият ва автобус саройлари раҳбарлари ҳамда мутасаддилар иштирокида ўтган қабул жараёнида кўтарилган барча муаммоларни ижобий ҳал этиш бўйича чоралар белгиланди.

Бундан ташқари раҳбар ва мутасаддилар “Жума — автомобилсиз кун”да мурожаатларда кўрсатилган йўналишлардаги муаммоларни бевосита жойида ҳам ўрганишга келишиб олдилар.

Juma, 06 Dekabr 2019

ФУҚАРОЛАР БИЛАН ЮЗМА-ЮЗ

“Тошшаҳартрансхизмат” АЖ раҳбарияти томонидан мурожаатлар билан ишлаш тизимини янада такомиллаштириш, очиқлик, ошкоралик ҳамда шаффофликни таъминлаш мақсадида қатор саъй-ҳаракатлар амалга оширилмоқда. Хусусан, соҳада мавжуд камчилик ҳамда муаммоларни янада кенгроқ ўрганиш мақсадида фуқаролар қабули кунларидан ташқари жамият раҳбарларининг ҳафтанинг ҳар пайшанба куни соат 10:00дан 12:00гача очиқ мулоқот шаклидаги қабулларни йўлга қўйди. Фуқаролар Жамият бош офисига келиб, соҳа фаолиятига оид ўзларини қизиқтирган масала ёки муаммолар юзасидан соҳа раҳбарлари билан юзма-юз мулоқот қилишлари мумкин.

“Тошшаҳартрансхизмат” АЖ манзили Тошкент шаҳри, Амир Темур 1 тор кўчаси, 6-уй.

Қабулга келишни истовчилар жамиятнинг 1062 ишонч телефонига қўнғироқ қилиб рўйхатдан ўтишлари ҳам мумкин.

Chorshanba, 05 Dekabr 2019

МУТАСАДДИЛАР МАСЪУЛИЯТНИ УНУТМАСИНЛАР!

Сўнгги йилларда транспорт воситаларининг сони кескин ортиши натижасида йўлларда ҳаракатланиш тобора мураккаблашиб бормоқда. Айниқса, жамоат транспорти, хусусан автобусларнинг ўз йўналишида эркин қатнови янада қийинлашмоқда.

Юзага келаётган тирбандликлар етмагандек, оралиқ ва шоҳбекатларнинг хусусий транспорт воситалари эгалари ҳамда ноқонуний такси хизмати билан шуғулланаётган сохта тадбиркорлар орқали эгаллаб олинаётгани, уларнинг автобуслар тўхтаб ўтишига кескин халақит бераётгани муаммони янада жиддийлаштирмоқда.

Бундан ташқари оралиқ бекатларнинг тадбиркорларга бириктирилиши натижасида у ерда турли хизмат кўрсатиш шахобчалари ва дўконлар пайдо бўлиб, йўловчилар кўчада қолмоқда. Айниқса, тонгги тиғиз вақтда бекатлар қулфлоғлиқ бўлиб, йўловчилар ташқарида, ҳатто катта йўл ёқаларига чиқиб кетмоқда. Бу эса автобуслар ҳамда йўловчиларнинг хавфсизлигига раҳна солмоқда. 

Албатта бундай салбий вазиятлар жамоатчиликда жиддий норозиликларни келтириб чиқармоқда. Буни Президент порталига ҳамда “Тошшаҳартрансхизмат” АЖнинг 1062 - ишонч телефонига бўлаётган мурожаатларда ҳам яққол кўриш мумкин. Айниқса, бундай вазиятларнинг ижтимоий тармоқларда кенг тарқаётгани ҳам муаммонинг нақадар асосли эканлигини кўрсатмоқда. 

Ана шундай ҳолатларни бартараф этишни сўраб, масалага мутасадди бўлган Тошкент шаҳар транспорт бошқармасига ва тегишли ташкилотларга бир неча маротаба мурожаат қилиниб, тақдимномалар киритилишига қарамай, бу борадаги муаммолар амалда ўз ечимини топмай қолмоқда. 

Шу ўринда таъкидлаш лозимки, жамоат транспорти бўлган автобусларда бир кунда ўртача 600 мингдан ортиқ йўловчи ўз манзилига етказилади. Уларни хавфсиз ташиш эса “Тошшаҳартрансхизмат” АЖ таркибидаги автобус саройлари зиммасидаги асосий вазифадир. Уни тўла амалга ошириш учун масъуллар томонидан шароит яратилмас экан, йўловчилар хавфсизлигида ҳамда автобусларнинг ҳаракатида кўнгилсизликлар содир бўлиши ҳеч гап эмас. Шу боис масалага алоқадор ташкилот ва муассасалар бунга жиддий эътибор қаратишларини, мавжуд муаммолар юзасидан керакли чоралар кўришларини сўраб қолардик.

Payshanba, 04 Dekabr 2019

12 ТА АВТОБУС ЙЎНАЛИШИ ВАҚТИНЧА ЎЗГАРДИ

Тошкент метрополитени Юнусобод йўналишининг иккинчи босқичини қуриш ишлари доирасида ер ости ўтиш йўли барпо этилмоқда. Шу  муносабати билан қурилиш давом этаётган ҳудуддаги Аҳмад Дониш кўчасининг Янги шаҳар кўчаси кесишмаси орасидаги (Юнусобод бозори ёнида) 3 томонлама ҳаракатланиш йўли ҳамда Аҳмад Дониш кўчасининг (“Уч бақалоқ” кафесидан) Юнус ота кўчалари кесишмаси орасидаги йўллар 2019 йил 12 декабрга қадар вақтинча  ёпилади.

Мазкур ҳудудлардан ўтувчи 5, 52, 60, 72, 82, 91, 96, 97, 140, 149, 152, 190-сонли йўналишлардаги автобусларнинг ҳаракат йўли вақтинча йўловчиларга қулай   ва ҳавфсиз бўлган ёндош кўчалар орқали ўтказилади.

Йўналишларнинг ўзгартирилиши муносабати билан ҳаракат ҳавфсизлиги  ва йўловчилар ташиш қоидаларига қатъий риоя этиш юзасидан ҳайдовчи ва чиптачилар ўртасида навбатдан ташқари йўриқномалар ўтказилди.

Dushanba, 02 Dekabr 2019

ЖАМОАТ ТРАНСПОРТИНИ АСРАБ-АВАЙЛАШ ҲАР БИРИМИЗНИНГ БУРЧИМИЗДИР!

Қиш фаслининг илк кунида “Тошшаҳартрансхизмат” АЖ таркибидаги 8-автобус саройида бўлиб ўтган йиғилиш юртимизда кутилаётган тантаналар олдидан автосарой ва улардаги автобусларнинг санитария ҳолатини яна бир карра кўздан кечириш, бу борадаги муаммо ва камчиликларни бартараф этиш масалаларига бағишланди. Йиғилишда таъкидланганидек, тизимда санитария масалаларига жиддий эътибор қаратилиб, қатор саъй-ҳаракатлар амалга оширилаётганига қарамай бу борада автобус йўналишларида ўтказилган мониторингларда салбий ҳолатлар учрамоқда. Автобусларнинг тозалиги ва техник ҳолатига етарлича эътибор қаратилмаётгани танқидий таҳлил этилди. Ушбу масалада камчиликларга йўл қўйган раҳбар ва мутасаддилар қатьий огоҳлантирилди. Амалга оширилиши лозим бўлган ишлар юзасидан вазифалар белгиланди, шу билан бирга йўловчилар томонидан йўл қўйилаётган қоидабузарликларга ҳам эътиборлироқ бўлиш, санитария меъёрларига амал қилмаган қоидабузарларга қарши чоралар кўриш таъкидланди.

Азиз йўловчилар ва пойтахтимиз меҳмонлари! Агар сиз автобусларда дилни хира қиладиган ҳолатларга дуч келсангиз “Тошшаҳартрансхизмат” АЖ нинг 1062 ишонч телефонига хабар беринг. Зеро, сизнинг эътиборингиз соҳадаги муаммоларни хал этишда муҳим аҳамиятга эга.

Dushanba, 02 Dekabr 2019

КЕЛГУСИДАГИ ҲАМКОРЛИК МАСАЛАЛАРИ МУҲОКАМА ЭТИЛДИ

Қарийб икки ойдан ошиқ вақтдан буён пойтахт жамоат транспорти таркибида “Белкоммунмаш” компанияси томонидан ишлаб чиқарилган электробус ҳаракатланмоқда. Уч ойга синов тариқасида 41-йўналишга қўйилган ушбу транспорт воситаси белгиланган муддатни деярли ўтаб бўлмоқда.

Ана шу синов муддатининг бориши, келгусидаги ҳамкорлик масалаларини муҳокама қилиш мақсадида “Белкоммунмаш” компанияси бош директори Король Владимир юртимизда меҳмон бўлиб турибди.

Компания директори ташриф давомида транспорт билан боғлиқ бир неча корхона ва ташкилот раҳбарлари билан музокаралар олиб бориши режалаштирилган.

Куни кеча Король Владимир ҳамда Белорусиянинг Ўзбекистондаги фавқулодда ва мухтор элчиси Маринич Леонид “Тошшаҳартрансхизмат” АЖ раҳбарияти билан учрашди. Музокаралар давомида электробус ҳақидаги дастлабки хулосалар муҳокама этилди. Ҳар икки томон ўзларининг талаб ва таклифларини билдирдилар.

Король Владимир келгусида Ўзбекистон билан ҳамкорликни кенгайтириш ниятида эканлигини билдирди.

Меҳмонлар жамият ва унинг таркибидаги автобус саройлари ҳаёти билан ҳам яқиндан таништирилди. Истиқболдаги режалар ҳавола этилди.

Juma, 29 Noyabr 2019

ЙЎЛОВЧИЛАР УЧУН ЯНА БИР ҚУЛАЙЛИК

“Тошшаҳартрансхизмат” АЖ йўловчилар учун юқори даражада қулайлик яратиш мақсадида барча имкониятларни ишга солмоқда. Бу йўлда ҳамкорлар сафини ҳам кенгайтирмоқда.

Энликда жамиятнинг GPS назорат тизими автобуслар ҳаракати бўйича яна бир мобиль илова — 2GISга маълумотлар етказиб беради. Ушбу илованинг йўловчилар учун афзаллик жиҳати — унда нафақат автобуслар балки, йўналишли таксилар ҳақида ҳам маълумотларни онлайн тарзда билиш мумкин. Бу эса муқобил транспорт воситасини танлашда ҳамда манзилга тез ва қулай етиб олишда йўловчилар учун енгиллик яратади.

Juma, 29 Noyabr 2019
Page 1 of 32
Avtobus buyurtmasi
1062 Ishonch telefoni
mg.uz
my.gov.uz
tshtx.uz 

Foydali resurslar

edportal  fondbozori
gov.uz my.gov.uz
lex.uz cert.uz dc.uz
gis.uz strategy.gov.uz Ctrl+Enter

Aloqa uchun muloqotlar

Umumiy bo'lim
Tel.: (+998 71) 233-89-21
Faks: (+998 71) 233-34-40
Xorijiy hamkorlar bilan muloqot qilish uchun telefoni / Phone for communication with foreign partners: (+998 71) 233-52-63

Yangiliklarga obuna boling

Xozir saytda 1581 mehmon

Yandex.Metrika

 

Click to listen highlighted text! GSpeech