Click to listen highlighted text! GSpeech
A- A A+

Yangiliklar

Vaqtinchalik chorraha yopilishi to'g'risida

HURMATLI HAYDOVCHILAR VA YO'LOVCHILAR!

Muqimiy va Bunyodkor ko'chalari kesishmasida yo'l o'tkazmasi qurilishi munosabati bilan 2017 yil 11 fevraldan 23 fevralgacha chorraha transport harakati uchun vaqtinchalik yopiladi.

Tirbandlikni keltirib chiqarmaslik maqsadida, Sizlardan qurilish vaqtida boshqa ko'chalardan foydalanishingizni so'raymiz.

Yuzaga keltirilgan noqulayliklar uchun uzr so'raymiz.

Juma, 10 Fevral 2017

ELEKTRON TABLOLAR KO'PAYADI

    Avval xabar berganimizdek, o'tgan haftada Toshkent shahar hokimligida "Toshshahartransxizmat" aksiyadorlik jamiyatining 2016 yil faoliyati yakunlari hamda 2017 yildagi istiqbolli rejalariga bag'ishlangan matbuot anjumani bo'lib o'tdi.
    Matbuot anjumanida bugungi kunda Toshkent shahridagi 20 dan ziyod oraliq bekatga elektron tablolar o'rnatilgani, yo'nalish raqami hamda bekat nomidan tashqari avtobuslarning qancha vaqtda bekatga etib kelishi, valyutalar kursi hamda ob-havo ma'lumotlari onlayn rejimda aks etadigan bu kabi axborot qurilmalari sonini yana yuztaga ko'paytirish rejalashtirilgani ta'kidlandi.
    Tizimda ilg'or texnologiyalar keng joriy etilayotgani poytaxt jamoat transporti faoliyati samaradorligini oshirishda muhim omil bo'layotgani qayd etildi.
    Korxona faoliyatida Birinchi Prezidentimiz Islom Karimovning 2013 yil 9 oktyabrdagi "Toshkent shahrida yo'lovchi tashish transportini tashkil etish tizimini yanada takomillashtirish chora-tadbirlari to'g'risida"gi qarori muhim dasturilamal bo'layotir.

Dushanba, 06 Fevral 2017

HAYDOVCHILAR BILAN MULOQOT

    Poytaxt yo'lovchi tashish transporti korxonalar faoliyati asosini shahrimiz aholisi va mehmonlariga yuqori madaniyatli, sifatli va xavfsiz xizmat ko'rsatish tashkil etadi. Bu yo'lda "Toshshahartransxizmat" aksiyadorlik jamiyati va uning tarkibidagi avtokorxonalarda 6 ming nafardan ortiq ishchi-xizmatchi mehnat qilmoqda. Ish unumdorligi va samaradorligini oshirish, avtosaroylar iqtisodiy barqarorligini ta'minlashda soha xodimlarining o'rni beqiyos. Shu bois jamiyat tarkibidagi avtosaroylarda har shanba "haydovchilar kuni" o'tkaziladi.
    O'tgan shanba kuni 4- va 12-avtobus saroylarida bo'lib o'tgan ana shunday tadbirlarda Toshkent shahar hokimi o'rinbosari, "Toshshahartransxizmat" AJ boshqaruv raisi Otabek Sodiqov ishtirok etib, poytaxt jamoat transportida amalga oshirilayotgan islohotlar, bugungi kunda transportchilarga qo'yilayotgan talablar, sohadagi mavjud kamchilik va muammolar xususida muloqot qildi.

Dushanba, 06 Fevral 2017

OYLIK G'OLIBLARI TAQDIRLANDI

    2016 yilning 20 noyabridan 20 dekabrigacha respublikamiz hududida "Avtotransport vositalarida yo'lovchilarga sifatli xizmat ko'rsatish oyligi" o'tkazildi. Ushbu tadbirdan maqsad soha xodimlarini yo'lovchilar bilan xush muomalada bo'lishi, transport vositasi va uning salonini toza va ozoda holda saqlash, shaxsiy gigiena qoidalariga rioya qilish, ish vaqtida telefondan foydalanmaslik, turli mulkchilik shaklidagi tashuvchilar orasida sog'lom raqobatni oshirish, yo'nalishlarda transport qatnovi intervallariga amal qilish, uni bir maromda ishlashini ta'minlash, nogiron va yoshi ulug' yo'lovchilarga alohida hurmat ko'rsatish, yosh bolali va homilador ayollarga joy berib, qo'pol muomalada bo'lmaslik, haydovchi va chiptachining kiyinishi, muomala, nutq madaniyatini yuksaltirish va yo'lovchilar xavfsizligini izga solishdan iborat edi. Shuni ta'kidlash joizki, tadbirni ko'tarinki ruhda o'tkazish uchun mamlakat miqyosida keng ko'lamli ishlar amalga oshirildi. Jamoat transportinig barcha turlarida, aholi gavjum joylarda oylik haqidagi ma'lumotlar joylashtirilgani, turli banner va bukletlar hamda tadbirga doir boshqa materiallar etarlicha tayyorlanib, kerakli joylarga, xususan, bekat, avtostansiya va avtobus salonlarida yopishtirib qo'yilgani ayni muddao bo'ldi.

Payshanba, 01 Fevral 2017

PRESS - RELIZ

AJ Toshshahartransxizmat    «Toshshahartransxizmat» AJ faoliyatida O'zbekiston Respublikasining birinchi Prezidenti Islom Karimovning 2013 yil 9 oktyabrdagi “Toshkent shahrida yo'lovchi tashish transportini tashkil etish tizimini yanada takomillashtirish chora-tadbirlari to'g'risida”gi qarori dasturilamal bo'lib xizmat qilmoqda.
    «Toshshahartransxizmat» AJ – jami 6192 nafar xodim faoliyat yuritadigan 32 ta yirik va kichik korxonadan iborat jamiyatdir. Shundan 3564 (57,6%) nafari yo'lovchilarni tashishda bevosita ishtirok etadigan haydovchi va chiptachilardir.
    Hozirgi kunda “Toshshahartransxizmat” AJ korxonalarida 1350 ta avtobus, (shu jumladan Mercedes-Benz O 345 – 27 ta, Mercedes-Benz Low Floor – 600 ta, Isuzu – 684 ta, Mercedes-Benz Uberland-30 ta, Hyundai - 8 ta, MAN -1ta), tasarrufda etilmoqda.

Chorshanba, 26 Yanvar 2017

HAYOTIY ZARURAT

    2017 yil 10 yanvarda O'zbekiston Respublikasi Prezidenti Shavkat Mirziyoevning "Aholiga transport xizmati ko'rsatish hamda shaharlar va qishloqlarda avtobuslarda yo'lovchilar tashish tizimini yanada takomillashtirish chora-tadbirlari to'g'risida"gi Qarori matbuotda e'lon qilindi. Aytish joizki, ushbu masala Prezidentning saylovoldi dasturida bor edi. Davlat rahbari aholiga namunali trasport xizmati ko'rsatishni yanada takomillashtirish, xalqimizning mushkulini oson qilish, bir manzildan ikkinchi manzilga emin-erkin, qiynalmay, ortiqcha vaqt sarflamasdan etib borish uchun qilinadigan ishlar hali ko'p ekanligini saylovchilar bilan bo'lgan uchrashuvlarda ko'p bor ta'kidlab o'tgan edi. Mazkur Qaror ana o'sha muammolarning bartaraf etish yo'lidagi muhim yuridik hujjatdir.

Dushanba, 23 Yanvar 2017

FUQAROLAR QABULXONASI - RIVOJLANISH KAFOLATI

fuqaro qabulxonasi    O'zbekiston Respublikasi Prezidenti Shavkat Mirziyoev 2016 yil 28 dekabrda "Jismoniy va yuridik shaxslarning murojaatlari bilan ishlash tizimini tubdan takomillashtirishga doir chora-tadbirlar to'g'risida" farmon qabul qildi. O'zbekiston Respublikasi Bosh vazirining virtual qabulxonasi qisqa davrdagi faoliyati davomida aholining eng dolzarb muammolarini hal etish imkonini beruvchi, davlat hokimiyati va boshqaruvi organlari, barcha darajadagi hokimiyatlar bilan fuqarolar o'rtasidagi hamkorlikning samarali mexanizmiga aylandi, deb ta'kidlanadi farmonda.
    Darhaqiqat, Bosh vazirning virtual qabulxonasiga hamyurtlarimizdan jamiyat hayotining barcha sohalariga oid, xususun, uy-joy, kommunal, sog'liqni saqlash, ta'lim va bank kreditlari va yo'l-transport xizmatlari sifatini yaxshilashga oid minglab murojaat, taklif va shikoyatlar kelib tushdi. Ularning aksari ijobiy hal etilgan, albatta. Prezidentimizning ushbu farmoni 2017 yil "Xalq bilan muloqot va inson manfaatlari yili" deb e'lon qilingani munosabati bilan hamda aholining O'zbekiston Respublikasi Bosh vazirining virtual qabulxonasi ishi to'g'risidagi ko'plab ijobiy fikrlarni e'tiborga olib, barcha darajadagi davlat organlari faoliyatida "Xalq davlat idoralariga emas, davlat idoralari xalqimizga xizmat qilishi kerak" degan tamoyilni amalda qaror toptirish, shuningdek, jismoniy va yuridik shaxs-larning murojaatlari bilan ishlashning sifat jihatdan yangi tizimini joriy etishni maqsad qilgani bilan ham ahamiyatlidir.

Juma, 20 Yanvar 2017

O'zbekiston Respublikasi Prezidentining Qaroriga sharh

O'zbekiston Respublikasi Prezidentining "Aholiga transport xizmati ko'rsatish hamda shaharlar va qishloqlarda avtobuslarda yo'lovchilar tashish tizimini yanada takomillashtirish chora-tadbirlari to'g'risida"gi qaroriga sharh

    Keyingi yillarda avtomobil transporti sohasida aholiga xizmat ko'rsatish sifatini yaxshilash borasida ko'plab chora-tadbirlar ko'rildi, avtotransport xizmatlarini rivojlantirishning maqsadli parametrlari izchil bajarilmoqda.
    Yo'lovchilar tashiydigan avtomobil transportining yangi muntazam yo'nalishlari hamma joyda ochilmoqda, hozirgi vaqtda ularning soni 4,3 mingtadan oshdi.
    Faqat so'nggi 3 yilning o'zida, asosan mamlakatimizda ishlab chiqarilgan 3 mingga yaqin avtobus va 12 mingta engil avtomobil foydalanishga topshirildi. Yangi avtovokzallar va avtostansiyalar barpo etilmoqda, eskilari rekonstruksiya qilinmoqda.
    Biroq, avtotransport xizmatlari ko'rsatish tizimini, ayniqsa, qishloq joylarda takomillashtirish ishlarini bundan buyon ham faollashtirish, xizmat ko'rsatish sifatini yanada oshirish zarur.
    Qabul qilingan qaror aynan respublikaning shahar va qishloqlarida, birinchi navbatda qishloq joylarda avtotransport xizmatlari bilan ta'minlashni yanada yaxshilashga, yo'lovchilar tashish xavfsizligini oshirishga qaratilgan.

Juma, 13 Yanvar 2017

O'zbekiston Respublikasi Prezidentining Qarori

Aholiga transport xizmati ko'rsatish hamda shaharlar va qishloqlarda avtobuslarda yo'lovchilar tashish tizimini yanada takomillashtirish chora-tadbirlari to'g'risida

    Avtotransport xizmatlari bilan ta'minlash sohasini yanada takomillashtirish, hududlarni kompleks ijtimoiy-iqtisodiy rivojlantirishga erishish hamda mamlakat shahar va qishloqlarida aholi bandligi muammolarini hal etishda avtotransport xizmatlari ko'rsatishning rolini kuchaytirish, yo'lovchilar tashish xavfsizligini oshirish va atmosferaga zararli tashlamalarni qisqartirish maqsadida:
    1. Quyidagilar respublikada avtomobil transportida yo'lovchilar tashishni yanada rivojlantirishning asosiy yo'nalishlari etib belgilansin:
harakatdagi tarkibni zamonaviy, qulay avtobuslar va mikroavtobuslar bilan yangilash, yo'nalishlarni oqilona tashkil etish va kengaytirish, yo'l qoplamalarini, birinchi navbatda qishloq joylarda yaxshilash hisobiga aholining avtomobillarda tashuvlarga bo'lgan talab-ehtiyojini yanada to'liq qondirishni ta'minlash;
yo'lovchilar tashish xavfsizligi chora-tadbirlarini kuchaytirish, yo'nalishlar bo'yicha harakatlanish jadvallariga qat'iy rioya etilishini ta'minlash, ko'rsatilayotgan xizmatlarning sifat darajasini oshirish, yo'lovchilar tashish sohasida iste'molchilar huquqlarini himoya qilish tizimini shakllantirish, yo'lkira haqi uchun naqd pulsiz to'lov tizimini joriy etish;
avtobuslar va mikroavtobuslardan oqilona va samarali foydalanishni ta'minlash, avtomobil transporti korxonalarining moliyaviy-iqtisodiy holatini mustahkamlash; yo'lovchilar tashishni boshqarish tizimiga zamonaviy axborot-kommunikasiya texnologiyalarini keng joriy etish.

Juma, 13 Yanvar 2017

"TOSHSHAHARTRANSXIZMAT" AKSIYADORLIK JAMIYATI JAMOASI

2017    azim Toshkent aholisi hamda mehmonlarini, jamiyat tizimidagi korxona va tashkilotlarda sidqidildan mehnat qilib kelayotgan fidoyi transportchilarni, ularning oila a'zolarini, barcha kasbdosh do'stlarimizni yangi 2017 yil bilan qizg'in muborakbod etadi.
    2016 yil O'zbekistonimiz uchun iqtisod, madaniyat, ilm-fan, san'at va sport singari sohalarda yuksalish yili bo'ldi. Poytaxt transporti tizimida ham harakat tarkibini yangilash, xizmat sifatini oshirish yo'lidagi xayrli chora-tadbirlar izchil davom ettirildi. Transportchilar xalqimizning uzog'ini yaqin, og'irini engil qilish yo'lida sidqidildan mehnat qildi. Jumladan, 4 dekabr kuni o'tgan mamlakatimiz hayotidagi muhim hodisa — Prezident saylovi kuni bepul transport xizmati ko'rsatilgani ko'p ming sonli yo'lovchilarimiz tomonidan minnatdorlik ila qabul qilindi.
    O'zbekiston Prezidenti Shavkat Mirziyoev tomonidan yangi 2017 yil "Xalq bilan muloqot va inson manfaatlari yili" deb e'lon qilindi. Istagimiz, yangi yilda ham buyuk kelajakka tomon tashlayotgan qadamlarimiz sobit bo'lsin, farzandlarimizning baxtu iqboli deya amalga oshirayotgan xayrli ishlarimiz baroridan kelsin. Ozod va obod Vatanimiz taraqqiyoti yo'lida olib borilayotgan islohotlar bardavom bo'lib, ko'zlagan barcha ezgu maqsadlarimiz to'la-to'kis ro'yobga chiqsin.
    Yangi yil diyorimizdagi har bir xonadon, har bir oilaga tinchlik-omonlik, to'kin-sochinlik, fayzu baraka, omad va baxt, mo'l-ko'l rizq-nasiba keltirsin. Ona yurtimizni va jonajon Toshkentimizni ayyom shukuhi, bayramona xush kayfiyat aslo tark etmasin. Osmonimiz musaffo, yo'llarimiz hamisha bexatar bo'lsin!
    "Xalq bilan muloqot va inson manfaatlari yili"da ham "Toshshahartransxizmat" aksiyadorlik jamiyati tizimidagi korxona va tashkilotlar ahil va inoq holda, ish sifati va xizmat saviyasini yanada oshirish yo'lida jonbozlik ko'rsatadi, degan umiddamiz.
    2017 yilda ham ko'p ming sonli insonlarga xizmat qilishdek xayrli ishda ulkan muvaffaqiyat va mehnat zafarlari yor bo'lishini tilab qolamiz.

YANGI YILINGIZ MUBORAK BO'LSIN, AZIZLAR!

Juma, 30 Dekabr 2016
Page 1 of 6
Avtobus buyurtmasi
1062 Ishonch telefoni
mg.uz
my.gov.uz
tshtx.uz 

Foydali resurslar

edportal  fondbozori
gov.uz my.gov.uz
lex.uz cert.uz dc.uz
Ctrl+Enter

Aloqa uchun muloqotlar

Umumiy bo'lim
Tel.: (+998 71) 233-89-21
Faks: (+998 71) 233-34-40

Yangiliklarga obuna boling

Xozir saytda 824 mehmon

Yandex.Metrika

 

Click to listen highlighted text! GSpeech