Click to listen highlighted text! GSpeech
A- A A+
Vinaora Nivo SliderVinaora Nivo SliderVinaora Nivo SliderVinaora Nivo SliderVinaora Nivo SliderVinaora Nivo SliderVinaora Nivo Slider

Yangiliklar

ЙЎЛОВЧИЛАР ХАВФСИЗЛИГИ ҲАММА НАРСАДАН УСТУН

         Поёнига етиб бораётган 2018 йил ҳаётимизнинг барча жабҳаларида бўлгани каби “Тошшаҳартрансхизмат” акциядорлик жамияти ҳаётида ҳам жиддий ўзгаришлар йили бўлиб қолиши шубҳасиз. Тизим ишини тубдан ислоҳ қилишга қаратилган ҳаракатлар ўз самарасини бера бошлади. Маълумки, ҳар қандай муваффақият калити, бу – қатъий интизом. Шу маънода Жамиятга қарашли автобуслар бундан 4 йил бурун – 2014 йилдаёқ тўлиқ GPS тизимига ўтказилган эди. “Тошавтотаъмирхизмат” УК қошида GPS мосламаларини ўрнатиш ва уларнинг узлуксиз ишлашини таъминловчи бўлим ҳам фаолият олиб боради. Маълумки, GPS масофадан туриб транспорт воситаларини назорат қилиш имконини берадиган тизим. “MyBus” мобиль иловасининг ишга тушиши эса йўловчилар учун ҳақиқий туҳфа бўлди. Аммо, шиддаткор давр ҳар биримиздан изланиш, замонга мослашиб яшаш, ишлашни тақозо этади. Шу боис, “Тошшаҳартрансхизмат” АЖ раҳбарияти, мутахассислари мазкур тизим ишини янада такомиллаштириш йўлларини ахтаришди ва тендер асосида GPSнинг такомиллашган янги босқичига ўтишга қарор қилишди. Ўзбекистонда фаолият олиб борадиган маҳаллий “UZGPS” компанияси билан ҳамкорликда ишлар бошланиб кетди. Таъкидлаш ўринлики, мазкур компания хизмати республикамиздаги бир қанча йирик ташкилотларда синовдан ўтиб, мувафақиятли ишлаб келмоқда.

Бугун Жамиятга қарашли автобусларнинг каттагина қисми ушбу тизимга ўтиб бўлди. Яқин кунлар ичида эса тўлиқ янги дастурлар асосида ишлашга ўтилади.

Энди ушбу янги тизимнинг жамоат транспорти учун афзаллиги нимада, деган ҳақли савол пайдо бўлади. Шуни алоҳида таъкидлаш жоизки, шу кунгача ишлаб келган GPS фақат битта харитада ишларди ва у соҳага оид кўплаб муҳим жиҳатларни ўзида қамраб ололмас эди, янги “UZGPS” дастури бўйича энди 8та харитада ишлаш мумкин бўлади. Бу транспорт воситаларини тўлиқ назорат қилиш, йўналишга чиқаётган ҳайдовчининг бутун иш фаолиятини кузатиб бориш имконини беради. Бир сўз билан айтганда, энди хизмат давомидаги ҳар бир ҳолат, ҳаракат бамисоли кўзгуда акс этиб тургандек “Тошшаҳартрансхизмат” АЖ қошидаги Марказий нозимлик хизмати ходимлари назоратида бўлади, бу дегани йўловчиларга хизмат кўрсатиш сифати янада ошади.

Ушбу янгиликнинг тўлиқ ишлаб кетиши шаҳримиз кўчаларида ҳаракатланаётган жамоат транспорти воситаларини янада кенгроқ назорат қилиш билан бирга янгидан янги лойиҳалар устида ишлаш имконини ҳам яратади.

Juma, 18 Yanvar 2019

ЯНГИ ЙИЛГА МУНОСИБ ТУҲФА

Илгари хабар берилганидек, “Тошшаҳартрансхизмат” АЖ таркибидаги автосаройлардаги автобуслар сафи янгилари билан кенгаймоқда. Йил сўнгига қадар олиб келиниши режалаштирилган 72 та SAZ LE 60 ўрта сиғимдаги автобусларнинг яна 12 таси Самарқанддан Тошкентга қараб йўлга чиқди.
Шу кунгача барча қулайликларга эга бундай автобуслардан 46 таси келтирилиб, йўналишларга бириктирилган эди. Йил сўнггига қадар, яъни, мазкур ҳафта давомида SAZ LE 60 автобусидан яна 14 та олиб келинади. Улар ҳам янги йилдан шаҳримиз аҳолисига хизмат қила бошлайди.photo 2018 12 28 19 35 29

Juma, 28 Dekabr 2018

БОЛАЖОНЛАР УЧУН БАЙРАМ СОВҒАСИ

“Тошшаҳартрансхизмат” АЖ раҳбарияти янги йил байрам тантаналари нишонланаётган шу кунларда ҳайрли ташаббусга қўл урди. Яъни, пойтахтимиздаги меҳрибонлик ва мурувват уйлари ҳамда мактаб интернати тарбияланувчиларидан қарийб 1 ярим минг нафардан зиёдини пойтахтимизнинг марказий майдонларида бўлиб ўтаётган байрам тадбирларида иштирок этишини таъминлади. Бунинг учун жамият таркибидаги автобус саройлари  томонидан болаларга қувонч бағишлаш мақсадида байромона безатилган автобуслар ажратилди. Жамият томонидан болажонлар учун байрам совғалари уюштирилди. Ушбу  ташаббус яна давом этади. Бундан ташқари бугундан бошлаб йўналишга чиққан автобус ҳайдовчи ва чиптачилари йўловчиларга кайфият бағишлаш мақсадида қорбобо ва қорқиз либосларида хизмат кўрсатишмоқда. Йўловчиларга ширинликлар улашилмоқда. Байрам кунлари ана шундай байрамона тарзда йўловчиларга хизмат қилиш режалаштирилганphoto 2018 12 28 19 25 41

Juma, 28 Dekabr 2018

Байрам кунлари айрим автобус йўналишлари ўзгаради

Янги йил байрами тадбирлари муносабати билан, Тошкент шаҳри аҳолиси ва мехмонларига мазмунли ҳордик чикариш, маданий дам олиш шарт-шароитларини яратиш тўғрисида Тошкент шаҳар хокимининг 2018 йил 14декабрдаги 1794-сонли қарорига асосан, «Тошшаҳартрансхизмат» АЖ томонидан 2018 йил 20 декабрдаги 238-сонли буйруғи қабул қилинди ҳамда қуйидаги ишлар амалга оширилди.

1) 2018 йил 31декабрда Тошкент шахридаги барча автобус йўналишлари иш режимига ўзгартириш киритилиб, иш тугаш вақти 1 соатга узайтирилди.

2) Барча автобус йўналишларидаги автобуслар янги йил байрамига мос равишда безатилмоқда, ҳайдовчиларни байрам кунлари қорбобо кийимида ишга чиқариш чоралари кўрилмоқда.

3) Янги йил байрами тадбирлари ўтказилиши мунобати билан Тошкент шахри айрим кўчаларида автотранспорт воситалари харакатини вақтинча чекланганлигини инобатга олиб:

- Истиқлол ва Зарафшон кўчаларининг ёпилиши муносабати билан, 90А, 91А, 115А-сонли йўналишлардаги автобуслар ҳаракати Навоий кўчаси орқали, “Навоий – А.Темур” кўчалари чорраҳасигача, А.Темур кўчаси (Олой бозори томонга) орқали ўз йўналиши бўйлаб ҳаракатини давом эттиради;

- Истиқлол кўчасининг ёпилиши муносабати билан, 53А-сонли йўналиш бўйича автобуслар ҳаракати Навоий кўчаси орқали “Навоий – А.Темур” кўчалари чорраҳасигача, чорраҳадан бурилиб олиб, Навоий кўчаси орқали ўз йўналиши бўйлаб ҳаракатини давом эттиради; шунингдек, 33А, 55А, 96А-сонли йўналишларда автобуслар ҳаракати А.Темур кўчаси орқали “Навоий – А.Темур” кўчалари чорраҳасигача, Шахрисабз кўчаси орқали ўз йўналишлари бўйлаб ҳаракатини давом эттиради;

- Себзор кўчасининг ёпилиши муносабати билан, 9А, 17А, 52А-сонли йўналишлар бўйича автобуслар ҳаракати Навоий кўчаси орқали “Навоий – Абай” кўчалари чорраҳасигача, Абай кўчаси орқали ўз йўналишлари бўйлаб ҳаракатини давом эттиради; 150-сонли йўналиш бўйича автобуслар ҳаракати Навоий кўчаси орқали “Навоий – Абай” кўчалари чорраҳасигача, Абай кўчаси орқали “Абай – А.Қодирий” кўчалари чорраҳасигача, А.Қодирий, Себзор кўчалари орқали ўз йўналиши бўйлаб ҳаракатини давом эттиради;

- Сўгалли ота кўчасининг (Алгоритм корхонаси олдида) ёпилиши муносабати билан, 13А, 69А, 107-сонли йўналишлар бўйича автобуслар ҳаракати Заргарлик, Заргарлик 5-тор, Дийдор, Сўгалли ота, Дилбанд кўчалари орқали ўз йўналиши бўйлаб ҳаракатини давом эттиради; 4А, 48А, 87А, 94А, 146А-сонли йўналишлар бўйича автобуслар ҳаракати Сўгалли ота, Заргарлик, Заргарлик 5-тор, Дийдор, Сўгалли ота, Дилбанд кўчалари орқали ўз йўналиши бўйлаб ҳаракатини давом эттиради.

Dushanba, 24 Dekabr 2018

“ТОШШАҲАРТРАНСХИЗМАТ”АЖ ТУРКИЯ БИЛАН ҲАМКОРЛИК ҚИЛАДИ

Тошкент шаҳрида транспорт тизимини такомиллаштириш ҳамда хизмат сифатини яхшилаш бўйича ишлаб чиқилаётган концепцияни тайёрлашда Туркиянинг соҳага оид йирик компания ва лойиҳа институтлари билан ҳамкорлик килинади.
Илгари хабар берганимиздек бу борада “Тошшаҳартрансхизмат” АЖ раҳбарияти кўплаб мамлакатларнинг транспорт тизимига оид янгилик ва қўлга киритилган муваффақиятларни, пойтахт шароитига мос таклиф ва лойиҳаларни ўрганди. Германия, Россия, Туркия, Украина, Белоруссия, Хитой, Корея, Япония, Ҳиндистон ва бошқа қатор давлатларнинг транспорт соҳаси вакиллари бу борада ҳамкорлик қилиш истагини билдирди.
Ушбу давлатлар орасида Туркия республикасининг жамоат транспортидаги шароит, йўловчилар учун яратилган қулайликлар пойтахт транспорт тизими талабларига мослиги сабаб концепцияни ишлаб чиқишда ушбу мамлакат мутахассислари билан ҳамкорлик қилишга қарор қилинди.

ukraw

Payshanba, 19 Dekabr 2018

ЎЗ ИШИГА ЛОҚАЙДЛИК ВА СОВУҚҚОНЛИК ЁНҒИНГА САБАБ БЎЛДИ

Жорий йилнинг 15 декабрь куни “Тошшаҳартрансхизмат” АЖга қарашли “Тошавтотаъмирхизмат” УКнинг “8-автобус саройи”даги ишлаб чиқариш кузов таъмирлаш бўлимида ёнғин чиқди. Ушбу кўнгилсиз ҳодиса чилангарнинг хавфсизлик техникасига амал қилмаслиги оқибатида содир бўлди.

Маълум бўлишича, “Мерседес-Бенц Туризмо” русумли автобуснинг ёқилғи бакида носозлик юзага келган. Уни таъмирлашни эса “Тошавтотаъмирхизмат” УКнинг 8-автокорхонадаги устахонаси чилангари Р.Гумиров ҳайдовчи билан ўзаро келишиб, ўзбошимчалик билан амалга оширмоқчи бўлган. Бунда у ўзининг кўп йиллик тажрибасига ишониб, ўзига ортиқ баҳо берган. Автобус таъмирланадиган кунда чилангарнинг дам олиш куни бўлган, шунга қарамай у ишга чиққан. Атрофдагиларнинг огоҳлантириши ва қайтариқларига қарамай ўз билганидан қолмаган. Кўп йиллик тажрибага эгалигини, бундай ишлар унга чўт эмаслигини рўкач қилиб, таъмирлашга киришган.

Хафвсизлик техникаси талабларига кўра, бундай вазиятда ёқилғи тўкиб олиниб, бакнинг ўзи автобусдан ажратилган ҳолда ёқилғидан батамом тозалаб олиниб, ичига сув тўлдирилган ҳолда таъмирланиши лозим. Рамиль Гумеров эса бакни ёқилғидан чала-ярим бўшатиб пайвандлаш усукунасини ишга солган. Бакда қолган қолдиқ ҳамда ёқилғидан ажраб чиқиб тўпланиб қолган газ пайвандлаш олови таъсирида катта аланганинг юзага келишига сабаб бўлган.

Ёнғин натижасида устахонанинг 50 кв. метр майдоннинг ички ва томига ҳамда таъмирланаётган “Мерседес-Бенц Туризмо” ва бир муддат аввал йўл транспорт ходисаси туфайли шикастланиб, таъмирлашга олиб келинган “3-автобус саройи”га қарашли “Ман” русумли автобусларнинг салон ва кузов қисмларига жиддий зарар етган.

Тезкор саъй-ҳаракатлар натижасида устахонанинг қолган қисми ҳамда таъмирлаш майдонида бўлган “Исузу” ҳамда “Дамас” автомобиллари ёнғиндан сақлаб қолинган.

Айни вақтда мазкур ҳолат юзасидан “Тошшаҳартрансхизмат” АЖнинг масъул ходимларидан иборат махсус ишчи гуруҳ тузилган. Ҳозирда текширув ишлари давом этмоқда. Ёнғин сабаблари ҳамда келтирилган моддий зарар тўлиқ ўрганилмоқда.

Келгусида бундай ҳолатларга йўл қўймаслик мақсадида жамиятнинг махсус буйруғи қабул қилинди. Унга кўра, тузилган махсус комиссия автосарой ва бошқа таъмирлаш корхоналаридаги ёнғинга қарши ишлатилувчи ускуналар ва жиҳозларнинг аҳволини ўрганади ва камчиликларни бартараф этиб, айбдорларга нисбатан чоралар кўради.

Шунингдек, мазкур буйруқда ишчи-ходимларнинг масъулиятини ошириш, техник хавфсизлик қоидаларига қатъий риоя этилиши бўйича талаблар ҳам белгилаб берилган.

Payshanba, 19 Dekabr 2018

“8-автобус саройи” МЧЖда содир бўлган ёнғин ҳодисаси тўғрисида МАЪЛУМОТ

Жорий йилнинг 15 декабрь куни, соат 13:40лар атрофида “8-автобус саройи” МЧЖ ҳудудида жойлашган “Тошавтотаъмирхизмат” УК ишлаб чиқариш кузов таъмирлаш бўлимида пайвандлаш ишларини олиб бориш жараёнида,
техник хавфсизлик қоидалари бузилганлиги оқибатида, ёнғин содир бўлган.

Ёнғин оқибатида, ишчи ва хизматчилардан ҳеч ким жароҳатланмаган аммо, таъмирлашда бўлган 2 та автотранспорт воситасига зарар келтирилган.

Ёнғин бартараф этишга, Тошкент шаҳар Юнусобод тумани “Ёнғин хавфсизлиги бўлими” маъсуллари жалб этилиб, ёнғин бартараф этилди.

Ушбу ҳолат юзасидан, Тошкент шаҳар Юнусобод тумани “Ёнғин хавфсизлиги бўлими” суриштирув ишларини олиб бормоқда, «Тошшаҳартрансхизмат» АЖ маъсул ходимлари томонидан ишчи гуруҳ тузилиб, текширув ишлари олиб борилмоқда.

Shanba, 15 Dekabr 2018

ЭНДИ «КЕЛЕС» ва «БИНОКОР»га АВТОБУСЛАР ҚАТНАЙДИ

"Тошшаҳартрансхизмат" АЖ раҳбарияти жамият фаолиятини ривожлантириш, кўрсатилаётган транспорт хизмати суръати ва сифатини яхшилаш, йўловчилар учун қўшимча қулайликлар яратишда аҳолининг талаб ва таклифлари ҳамда мурожаатларини инобатга олади. Айниқса, янги йўналишлар очиш, қатновлар сонини кўпайтиришда жамоатчилик фикрига таянилади.

ad

Juma, 16 Noyabr 2018

ҲАЙДОВЧИ ҲУШЁР БЎЛМАСА ЖАБРИНИ ЙЎЛОВЧИ КЎРАДИ

Кундан кунга транспорт воситалари сони ортиб бораётгани йўлларда автомобилларнинг ҳаракатланиш хавфсизлигига ўз таъсирини кўрсатмоқда. Натижада бир кунда ўнлаб, ҳатто юзлаб автотранспорт ҳодисалари юз бермоқда.

Juma, 16 Noyabr 2018
Page 6 of 30
Avtobus buyurtmasi
1062 Ishonch telefoni
mg.uz
my.gov.uz
tshtx.uz 

Foydali resurslar

edportal  fondbozori
gov.uz my.gov.uz
lex.uz cert.uz dc.uz
gis.uz strategy.gov.uz Ctrl+Enter

Aloqa uchun muloqotlar

Umumiy bo'lim
Tel.: (+998 71) 233-89-21
Faks: (+998 71) 233-34-40
Xorijiy hamkorlar bilan muloqot qilish uchun telefoni / Phone for communication with foreign partners: (+998 71) 233-52-63

Yangiliklarga obuna boling

Xozir saytda 1826 mehmon

Yandex.Metrika

 

Click to listen highlighted text! GSpeech