Click to listen highlighted text! GSpeech
A- A A+
Vinaora Nivo SliderVinaora Nivo SliderVinaora Nivo SliderVinaora Nivo SliderVinaora Nivo SliderVinaora Nivo SliderVinaora Nivo Slider

Yangiliklar

18 ноябрь – Ўзбекистон Давлат байроғи қабул қилинган кун

DSC 0386 1200x800 c

18 ноябрь – Ўзбекистон Давлат байроғи қабул қилинган кун. Мамлакат байроғи. Бу — миллат ва халқ ғурури, ифтихори, эзгуликнинг йўлбошчисидир. У ҳилпираганда юраклар жумбушга келиб, лиммо-лим орзу ҳавасларга бурканиши ҳам шундан.
Бугун тобора баланд-баландларда мавжланаётган юртимиз байроғини кўрганда қалби ўзгача туйғуларга тўлмайдиган юртдошимиз топилмаса керак. Чунки, мамлакат рамзи бўлган байроқнинг қанчалик юксакларга кўтарилиши, ўша давлат ва миллатнинг тобора ривожланиб, тараққий этаётганига ишорадир.
Шундай экан, ҳамиша юртимиз тинч, халқимиз ҳаёти янада фаровон, осмонимиз мусаффо бўлсин. Суратида эзгу ғояларни мужассам этган, халқни бир мақсад ва интилишлар йўлида бирлаштирган Ўзбекистон байроғи тоабад юксакларда ҳилпирайверсин.

Dushanba, 18 Noyabr 2019

ИНСОН ОМИЛИ БИЛАН БОҒЛИҚ МУАММОЛАРГА ҚАТЪИЙ КУРАШИЛМОҚДА

 

“Тошшаҳартрансхизмат” АЖ тизимида кўп йиллар ҳалол меҳнат қилиб, тизимда ва жамоада обрў топган ҳайдовчилар сафи жуда кенг. Аммо, гуруч курмаксиз бўлмаганидек, улар орасида белгиланган меъёрларга амал қилмай, ўзбошимчалик билан иш тутиб, жазога тортилаётган ва жамоаси олдида юзи шувут бўлаётган ҳайдовчилар ҳам учраб турибди. Шу боис ҳам тизимда инсон омили билан боғлиқ муаммоларни бартараф этиш мақсадида жамият раҳбарияти томонидан қатъий чоралар давом эттирилмоқда.

Хусусан, автобусларга ўрнатилган GPS назорат тизимига қасддан шикаст етказган ёки уни сунъий равишда ўчирган ҳайдовчиларга нисбатан қўлланилаётган интизомий чоралар ҳақида аввал ҳам бир неча маротаба хабар берганмиз.

1-автобус сройи тасарруфидаги 81-йўналиш ҳайдовчиси М.Мусаевнинг ихтироси барчасидан ўтиб тушди. У GPS назорат тизимини ўчириш учун қўлбола усулда қўшимча тугма ўрнатиб, ускунани хоҳлаганда ўчириб, хоҳлаганда ёқишни одат қилган.

Ушбу ҳолат аниқлангач, ҳайдовчи билан тузилган меҳнат шартномаси бекор қилинди, ишдан бўшатилди. Шунингдек, ҳайдовчилар А.Халенов, Э.Рабежанов, Ф.Закижоновлар назорат тизимини сунъий равишда ўчирганлари учун уларга ойлик маошларининг 20 фоиздан 50 фоизигача миқдорда жарима жазоси қўлланилди.

Бундай қатъий чоралардан мақсад битта, у ҳам бўлса бугун йўловчиларни норози қилаётган, инсон омили билан боғлиқ муаммоларни бартараф этишдир.

Shanba, 16 Noyabr 2019

ҚОИДАБУЗАР ҲАЙДОВЧИЛАРГА ҚАТЪИЙ ЧОРАЛАР КЎРИЛДИ

Хусусан, жорий йилнинг 12 ноябрь куни ижтимоий тармоқларда тарқалган видеода 12 автобус саройи тасарруфидаги 131- йўналишда қатновчи автобус ҳайдовчиси М.Абдураимов йўловчи ташиш қоидаларига амал қилмагани, енгил автомобилларнинг ҳаракатига ҳалақит бергани, шунингдек, бошқа йўналишдаги автобусларни қувиб ўтишда қўпол қоидабузарликка йўл қўйгани акс этган. Жамият томонидан ушбу ҳолат батафсил ўрганилиб, қоидабузар ҳайдовчи автобус саройида хўжалик ишларига жалб этилди.

Бундан ташқари 100-йўналишда қатновчи автобус ҳайдовчиси Б.Икромов ҳаракатланиш вақтида санитария талабларига амал қилмай, салонда тамаки маҳсулоти истеъмол қилгани учун ойлик маошидан 10 фоиз миқдорда жаримага тортиладиган бўлди.

Shanba, 16 Noyabr 2019

ШОҲБЕКАТЛАР АВТОТУРАРГОҲ ЭМАС!

Кун сайин транспорт воситалари сони ортиб бораётгани йўлларда ҳаракатланишда қатор муаммоларни юзага келтирмоқда. Айниқса, эрталабки ва кечки тиғиз вақтларда йўловчи учун ҳам ҳайдовчи учун ҳам манзилга ўз вақтида етиб бориш тобора катта муаммога айланмоқда.

Жамоат транспортининг эркин ҳаракатланишида нафақат йўлларда транспорт воситаларининг кўплиги, балки, енгил автомобилларнинг тўхташ мумкин бўлмаган жойларга қўйиб кетилиши автобуслар тирбандлигини келтириб чиқармоқда.

Айниқса, оралиқ ва шоҳбекатлар ҳудудида уларнинг назоратсиз қолдирилиши автобусларнинг ҳаракатида жиддий муаммоларга сабаб бўляпти.

Хусусан, “Тошшаҳартрансхизмат” АЖ тасарруфидаги йўналишлар бўйича “Тошкент универмаги” шоҳбекатига кирувчи автобус ҳайдовчилари анчадан буён ушбу муаммодан азият чекмоқда.

Шоҳбекат ҳудуди йўл ҳаракати хавфсизлиги ходимлари томонидан қанчалик назорат қилинмасин вазият кун сайин оғирлашиб бормоқда. Автобуслар шоҳбекатга киролмай вақт йўқотишига, оралиқ интервалларнинг узайиб кетишига олиб келяпти.

Масалан, жорий йил 12 ноябрь куни тахминан 14:00 атрофида жамият ҳаракат хавфсизлиги бўлими ходимлари ушбу шоҳбекат ҳудудида енгил автомобилларнинг автобуслар ҳаракатига ҳалақит бераётгани, муаммони бартараф этишга ёрдам беришларини сўраб йўл ҳаракати хавфсизлиги бошқармасига мурожаат қилдилар. Инспекторлар қисқа муддатда бу ердаги сунъий тирбандликни тарқатиб кетишди. Аммо орадан 10 дақиқа ўтмай яна “эски ҳаммом эски тос” шоҳбекат хусусий енгил автомобилларнинг турар жойига айланиб улгурди.

Юзага келаётган ана шундай вазиятни инобатга олиб, “Тошшаҳартрансхизмат” АЖ раҳбарияти барча енгил автомобиль эгаларини огоҳлантиради. Бундан буён оралиқ ва шоҳбекатларда қаровсиз қолдирилган ва автобуслар ҳаракатига ҳалақит бераётган транспорт воситалари мутасаддилар томонидан суратга олиниб, йўл ҳаракати хавфсизлиги бошқармасига тақдим этилади.

Ҳурматли ҳайдовчилар!

Жамоат транспорти ҳаракатига ҳалал берманг. Зеро унинг ўз вақтида ва сифатли хизмат кўрсатиши ҳар биримиз учун фойдалидир. Биргина автобуснинг йўқотган бир дақиқаси юзлаб йўловчиларнинг юзлаб дақиқаларини йўқотишига сабаб бўлиши мумкин.

https://t.me/tshtxuz
https://t.me/tshtxuz
https://t.me/tshtxuz
Seshanba, 12 Noyabr 2019

ШОҲБЕКАТЛАР АВТОТУРАРГОҲ ЭМАС!

Кун сайин транспорт воситалари сони ортиб бораётгани йўлларда ҳаракатланишда қатор муаммоларни юзага келтирмоқда. Айниқса, эрталабки ва кечки тиғиз вақтларда йўловчи учун ҳам ҳайдовчи учун ҳам манзилга ўз вақтида етиб бориш тобора катта муаммога айланмоқда.

Жамоат транспортининг эркин ҳаракатланишида нафақат йўлларда транспорт воситаларининг кўплиги, балки, енгил автомобилларнинг тўхташ мумкин бўлмаган жойларга қўйиб кетилиши автобуслар тирбандлигини келтириб чиқармоқда.

Айниқса, оралиқ ва шоҳбекатлар ҳудудида уларнинг назоратсиз қолдирилиши автобусларнинг ҳаракатида жиддий муаммоларга сабаб бўляпти.

Хусусан, “Тошшаҳартрансхизмат” АЖ тасарруфидаги йўналишлар бўйича “Тошкент универмаги” шоҳбекатига кирувчи автобус ҳайдовчилари анчадан буён ушбу муаммодан азият чекмоқда.

Шоҳбекат ҳудуди йўл ҳаракати хавфсизлиги ходимлари томонидан қанчалик назорат қилинмасин вазият кун сайин оғирлашиб бормоқда. Автобуслар шоҳбекатга киролмай вақт йўқотишига, оралиқ интервалларнинг узайиб кетишига олиб келяпти.

Масалан, жорий йил 12 ноябрь куни тахминан 14:00 атрофида жамият ҳаракат хавфсизлиги бўлими ходимлари ушбу шоҳбекат ҳудудида енгил автомобилларнинг автобуслар ҳаракатига ҳалақит бераётгани, муаммони бартараф этишга ёрдам беришларини сўраб йўл ҳаракати хавфсизлиги бошқармасига мурожаат қилдилар. Инспекторлар қисқа муддатда бу ердаги сунъий тирбандликни тарқатиб кетишди. Аммо орадан 10 дақиқа ўтмай яна “эски ҳаммом эски тос” шоҳбекат хусусий енгил автомобилларнинг турар жойига айланиб улгурди.

Юзага келаётган ана шундай вазиятни инобатга олиб, “Тошшаҳартрансхизмат” АЖ раҳбарияти барча енгил автомобиль эгаларини огоҳлантиради. Бундан буён оралиқ ва шоҳбекатларда қаровсиз қолдирилган ва автобуслар ҳаракатига ҳалақит бераётган транспорт воситалари мутасаддилар томонидан суратга олиниб, йўл ҳаракати хавфсизлиги бошқармасига тақдим этилади.

Ҳурматли ҳайдовчилар!

Жамоат транспорти ҳаракатига ҳалал берманг. Зеро унинг ўз вақтида ва сифатли хизмат кўрсатиши ҳар биримиз учун фойдалидир. Биргина автобуснинг йўқотган бир дақиқаси юзлаб йўловчиларнинг юзлаб дақиқаларини йўқотишига сабаб бўлиши мумкин.

https://t.me/tshtxuz
https://t.me/tshtxuz
https://t.me/tshtxuz
Seshanba, 12 Noyabr 2019

“ТОШШАҲАРТРАНСХИЗМАТ” ЖАМОАСИ ТУРНИР ҒОЛИБИ

“ТОШШАҲАРТРАНСХИЗМАТ” ЖАМОАСИ ТУРНИР ҒОЛИБИ

https://t.me/tshtxuz

Аввал хабар берганимиздек “Тошкент шаҳар ҳокими кубоги” учун бир ҳафта давом этган футбол мусобақалари якунига етди. Мазкур беллашувларда ҳокимлик тизимидаги 32 та ташкилотнинг футбол жамоалари фаол иштирок этди. 

Муросасиз баҳсларга бой бўлган бу галги турнир "Тошшаҳартрансхизмат" АЖ жамоаси учун омадли келди. Дастлаб, Чилонзор тумани хокимлиги билан кечган бахсда жамоамиз пенальти ҳисобидан ғолибликни қўлга киритган бўлса, кейинчалик шаҳар молия бошқармасини 5:2 ҳисобида мағлуб этди. Ярим финалда автомобилчилар “Тошшаҳарнур” жамоасини 2:1 ҳисобида ортда қолдириб, финал баҳсларига йўл олдилар. Финалди шаҳар инвестиция бошқармаси жамоаси билан кечган қизғин икки тайм баҳсларида 2:2 ҳисобида дуранг натижа қайд этилди. Пенальтилар сериясида 2:0 натижа билан қўли баланд келган жамоамиз турнирнинг мутлақ ғолиби бўлди. Иккинчи ўрин шаҳар инвестиция бошқармасига, учинчи ўрин эса “Тошшаҳарнур” жамоасига насиб этди. 

Ғолиб ва иштирокчиларга ҳомийларнинг эсдалик совғалари топширилди.

“Тошшаҳартрансхизмат” АЖ раҳбарияти ҳам жамоанинг ушбу ютуғини муносиб тақдирлади.

https://t.me/tshtxuz
https://t.me/tshtxuz
https://t.me/tshtxuz
Dushanba, 11 Noyabr 2019

ОЙНИНГ ЭНГ НАМУНАЛИ ХОДИМЛАРИ

“Тошшаҳартрансхизмат” АЖ таркибидаги автосаройлар томонидан автобус йўналишларида кўрсатилаётган транспорт хизматига ўзининг муносиб ҳиссасини қўшаётган ҳайдовчилар меҳнатини эътироф этиш, бошқаларга ўрнак қилиб кўрсатиш мақсадида каналимизда “Ойнинг энг намунали ҳайдовчиси” ва “Ойнинг энг намунали чиптачиси” рукнлари ташкил этилди. Унда ой давомида намунали хизмат кўрсатган ҳайдовчи ва чиптачилар эълон қилиб борилади. Номзодлар қуйидаги талаблар бўйича баҳоланади:

Ҳайдовчиларга:

1. Йўл ва йўловчи ташиш қоидаларига тўлиқ амал қилиши;

2. Йўловчилардан шикоят тушиш ҳолатлари;

3. Тасарруфидаги транспорт воситасини қай даражада сақлаши (техник ва санитария талабларига қай даражада амал қилиши);

Чиптачиларга:

1. Йўловчилар билан муомала маданияти;

2. Йўловчилардан шикоят тушиш ҳолатлари;

3. Кийиниш ва санитария талабларига қай даражада амал қилиши;

Янги рукннинг дастлабки номзодлари қуйидагилар: 

“Ойнинг энг намунали ҳайдовчиси”

Октябрь ойи якунлари бўйича 7-автобус саройи ҳайдовчиси Камолиддин Охунжонов “Ойнинг энг яхши ҳайдовчиси” номига сазовор бўлди. У 36 йиллик тажрибага эга ҳайдовчи. Ой давомида К. Охунжоновдан норози бўлиб йўловчилардан ҳам ҳамкасблардан ҳам бирор шикоят тушмаган. Йўловчилар билан муомалада ҳамда автобуснинг техник ва санитария ҳолатини сақлашга жиддий эътибор қаратади. 

Унинг бошқарувидаги автобус 94- "Карвон бозори — Халқаро аэропорт" йўналишида ҳаракатланади.

Камолиддин Охунжонов “Тошшаҳартрансхизмат” АЖ томонидан “Тошкент шаҳар йўловчи ташиш транспорти фахрий ходими” кўкрак нишони билан тақдирланган.

“Ойнинг энг намунали чиптачиси”

Ўтган октябр ойи таҳлилларига кўра йўловчилар билан хушмуомалаликда, кийиниш ва санитария талабларига амал қилишда 2-автобус саройи чиптачиси Гўзал Бурлиевага тенг келадигани топилмади. Йўловчилар ундан доимо миннатдор.

Асли трамвай ҳайдовчиси бўлган Г.Бурлиева қарийб 4 йилдан буён чиптачи бўлиб фаолият юритмоқда. 24- “ТТЗ - Юнусобод 6-мавзе” йўналиши йўловчилари бу аёлни жуда яхши билишади.

Juma, 08 Noyabr 2019

"ТОШКЕНТ ШАҲАР ҲОКИМИ КУБОГИ" ФУТБОЛ МУСОБАҚАЛАРИ ДАВОМ ЭТМОҚДА


Ташкилот ва муассасалар ходимлари ўртасида спортни кенг оммалаштириш мақсадида турли мусобақалар ташкил этилмоқда. Айниқса, бунда миллионлар ўйини ҳисобланган футболнинг ўрни алоҳида. 

Яқинда якунига етган вазирлик ва ташкилотлар ходимлари ўртасида ўтган “Бош вазир кубоги” футбол мусобақларидан сўнг “Тошкент шаҳар ҳокими кубоги” бахсларига старт берилди. Икки ҳафта давом этадиган мазкур беллашувларда туман ҳокимликлари ва ташкилотларидан иборат 30 дан ортиқ жамоа иштирок этмоқда.

“Тошшаҳартрансхизмат” АЖ футбол жамоаси ҳам дастлаб бахсларни Чилонзор тумани ҳокимлиги жамоасига қарши ўтказди. Асосий вақтда 4:4 ҳисобида ўйин дуранг билан якунланди. Пеналтида “Тошшаҳартрансхизмат” АЖ жамоаси 3:2 ҳисобида ғолибликни қўлга киритди.

Кейинги ўйин жорий йилнинг 9 ноябрь куни Молия бошқармаси билан бўлиб ўтади.

Ушбу бахсларда ҳам жамоамизга омад тилаймиз.

Chorshanba, 07 Noyabr 2019

ДЎСТЛИК ШОҲБЕКАТИ ҚАЙТА ИШГА ТУШДИ

Ҳурматли йўловчилар, Дўстлик метроси Автошоҳбекати фаолияти қайта тикланди ҳамда у ерда сўнгги жиҳозлаш ишлари амалга оширилиб, якунига етказилмоқда. Мазкур Шоҳбекат орқали 15, 22, 49, 54-сонли йўналиш автобуслари ҳаракатланади.

Шу билан бирга, мазкур шоҳбекатда 10, 28, 72, 148-сонли автобус йўналишлари ҳам йўналиш нозимлари томонидан рўйхатга олинади.

https://t.me/tshtxuz
https://t.me/tshtxuz
https://t.me/tshtxuz
Chorshanba, 07 Noyabr 2019

ҲАРАКАТ ЙЎНАЛИШЛАРИ ВАҚТИНЧАЛИК ЎЗГАРДИ

Тошкент шаҳрида кенг кўламда давом этаётган бунёдкорлик ва ободонлаштириш ишлари жамоат транспорти ҳаракатига ҳам ўз таъсирини кўрсатмоқда. Хусусан, шу сабаб йўлларда тирбандликлар юзага келмоқда, бу эса жамоат транспорти –автобуслар ҳаракати, улар ўртасидаги интервалларнинг узайиб кетишига олиб келмоқда. Ана шундай муаммоларнинг олдини олиш мақсадида айрим автобус йўналишларига вақтинча ўзгартиришлар киритилмоқда.

Жумладан, Тошкент шаҳрининг Янги Сергели йўли ва Чоштепа кўчалари чорраҳаси ёпилганлиги муносабати билан “4-автобус саройи” МЧЖга бириктирилган 57-,84-,122-автобус йўналишлари ҳаракати вақтинча ўзгартирилди. 

57-сонли “Эркин қўрғони – Олой бозори” ва 84-сонли “Обод турмуш МФЙ – Гулобод кўчаси” автобус йўналишларининг “Эркин қўрғони” бекатидан ҳаракатланиш йўналиши бир томонлама, яъни, Чоштепа, Янги Сергели йўли кўчалари, ТҲАЙ кўприги ва Янги Сергели йўли кўчаси орқали ўтиб, кейинги ҳаракатни ўз йўналишида давом эттиради. 122-сонли “Карвон бозори – Қўйлиқ М2” автобус йўналишининг “Қўйлиқ бозори” бекатидан ҳаракатланиш йўналиши бир томонлама — ТҲАЙ, Янги Сергели йўли кўчалари, Янги Сергели йўли ва Гавҳар кўчалари чорраҳаси, Янги Сергели йўли ва Чоштепа кўчалари орқали ўтиб, кейинги ҳаракатни белгиланган йўналишда давом эттиради.

Chorshanba, 07 Noyabr 2019
Page 4 of 33
Avtobus buyurtmasi
1062 Ishonch telefoni
mg.uz
my.gov.uz
tshtx.uz 

Foydali resurslar

edportal  fondbozori
gov.uz my.gov.uz
lex.uz cert.uz dc.uz
gis.uz strategy.gov.uz Ctrl+Enter

Aloqa uchun muloqotlar

Umumiy bo'lim
Tel.: (+998 71) 233-89-21
Faks: (+998 71) 233-34-40
Xorijiy hamkorlar bilan muloqot qilish uchun telefoni / Phone for communication with foreign partners: (+998 71) 233-52-63

Yangiliklarga obuna boling

Xozir saytda 1989 mehmon

Yandex.Metrika

 

Click to listen highlighted text! GSpeech