Click to listen highlighted text! GSpeech
A- A A+
Vinaora Nivo SliderVinaora Nivo SliderVinaora Nivo SliderVinaora Nivo SliderVinaora Nivo SliderVinaora Nivo SliderVinaora Nivo Slider

Yangiliklar

1-ноябрдан Тошкент шаҳар жамоат транспортининг ойлик йул чипталарини сотиш шахобчаларида жетонлар сотуви тўхтатилади

Пойтахтимиздаги жамоат транспорти йўналишларида автоматлаштирилган тўлов тизимини жорий этиш ишлари доирасида йўловчиларнинг ягона транспорт карталари орқали йўл ҳақи тўловларини амалга ошириш кўламини кенгайтириш, автоматлаштирилган тизимнинг тўлақонли ишлаб кетиш жараёнини тезлаштириш, шунингдек, жамоат транспортида нақд пул муомаласидан воз кечиш мақсадида 2020 йил 1-ноябрдан бошлаб Тошкент шаҳрининг жамоат транспортлари учун жетонлар сотуви тўхтатилади.

Йўловчилар 1-ноябргача харид қилинган жетонлардан жорий йил тугагунига қадар фойдаланишлари мумкин.

Chorshanba, 08 Oktyabr 2020

Ҳурматли йўловчилар!

Ўзбекистон Республикаси Вазирлар Маҳкамасининг 2020 йил 16 мартдаги “Тошкент шаҳар йўловчи транспорти тизимини такомиллаштириш чора-тадбирлари тўғрисида”ги 157-сонли қарорига асосан автобус ва йўналишли такси йўналишларининг ўзаро ҳаракат йўналишини такрорлашини камайтириш мақсадида, Тошкент шаҳридаги йўналишлар тармоғини мақбуллаштириш ишлари амалга оширилмоқда.

2020 йил 1 октябрдан,

  1. 52-сонли “Юнусобод 17-даҳа – Чорсу савдо маркази АШБ” автобус йўналишининг ҳаракати Юнус ота, Янги Юнусобод, Янгишаҳар, Чинобод, А.Темур кўчалари орқали ташкил этилади. Йўналиш “Юнусобод 17-даҳа – Чорсу савдо маркази АШБ” оралиғида 6 та жадвал асосида 10-11 дақиқалик оралиқ интервал билан ҳаракатланади.

-        Йўналишдан фойдаланадиган йўловчилар учун “Юнусобод 17-даҳа”дан “Туркистон метроси” ва “Юнусобод метроси” бекатларига 6-сонли автобус йўналиши орқали етиб олиш имконияти мавжуд.

2. 53-сонли “Ўрикзор мавзеси – Истиқлол кўчаси” автобус йўналишининг ҳаракати “А.Навоий музейи бекати”дан “Истиқлол кўчаси”гача бўлган қисми қисқартирилмоқда. “Марказий телеграф бекати”дан “Пахтакор метроси”га ташкил этилмоқда.

Йўналиш “Ўрикзор мавзеси – Пахтакор метроси” оралиғида 8 та жадвал асосида 12 дақиқалик оралиқ интервал билан ҳаракатланади.

-          Йўналишдан фойдаланадиган йўловчилар учун “Марказий телеграф” бекатидан “Истиқлол кўчаси”га 28, 44, 46, 68, 155-сонли автобус йўналишлари орқали етиб олиш имконияти мавжуд.

3. 65-сонли “М.Фозилов жамоа хўжалиги – Пахтакор метроси” автобус йўналиши ҳаракатининг “Чорсу савдо маркази АШБ”дан “Пахтакор метроси”гача бўлган қисми қисқартирилмоқда.

Йўналиш “М.Фозилов жамоа хўжалиги – Чорсу савдо маркази АШБ” оралиғида 7 та жадвал асосида 9-10 дақиқалик оралиқ интервал билан ҳаракатланади.

-          Йўналишдан фойдаланадиган йўловчилар учун “Чорсу савдо маркази АШБ”дан Пахтакор метросига 53-сонли автобус йўналиши орқали етиб олиш имконияти мавжуд.

4. 109-сонли “Чуқурсой темирйўл станцияси – Чорсу метроси АШБ” автобус йўналиши ҳаракатини Зарқайнар, Сақичмон, Беруний, Навоий кўчалари орқали “Чорсу савдо маркази АШБ”га ташкил этилмоқда.

Йўналиш “Чуқурсой темирйўл станцияси – Чорсу савдо маркази АШБ” оралиғида 5 та жадвал асосида 10-11 дақиқалик оралиқ интервал билан ҳаракатланади.

5. 149-сонли “Қорасув 1-мавзеси – Юнусобод 6-даҳа” автобус йўналишининг ҳаракати “Мебель дўкони бекати”дан “Юнусобод 6-даҳа”гача бўлган қисми қисқартирилмоқда.

Йўналиш “Қорасув 1-мавзеси – Юнусобод деҳқон бозори” оралиғида 8 та жадвал асосида 10-11 дақиқалик оралиқ интервал билан ҳаракатланади.

-          Йўналишдан фойдаланадиган йўловчилар учун “Юнусобод метроси бекати”дан “Юнусобод 6-даҳа”га 6-сонли автобус йўналиши орқали, Юнусобод деҳқон бозори бекатидан 24-сонли автобус йўналиши орқали етиб олиш имконияти мавжуд.

6. 188-сонли “Иттифоқ фермер хўжалиги – Чорсу метроси АШБ” автобус йўналишини Нурафшон, Навоий, Сақичмон кўчаларига ҳаракатланмасдан, қайтиш йўналишда А.Қодирий, Абай, Навоий, Беруний, Нурафшон кўчаларига ҳаракатланмасдан Фаробий, Зарқайнар кўчалари орқали “Чорсу метроси АШБ”га ташкил этиш режалаштирилмоқда.

Йўналиш “Иттифоқ фермер хўжалиги – Чорсу метроси АШБ” оралиғида 8 та жадвал асосида 10 дақиқалик оралиқ интервал билан ҳаракатланади.

-          Йўналишдан фойдаланадиган йўловчилар учун “Беруний метроси”дан Беруний ва Навоий кўчаларига 28-сонли йўналиш орқали етиб олиш имконияти мавжуд.

7. 101-сонли “Буюк ипак йўли метроси – Қибрай болалар дам олиш оромгоҳи”дан “Улуғбек қўрғони”гача бўлган қисми қисқартирилмоқда.

Йўналиш “Буюк ипак йўли метроси – Улуғбек қўрғони” оралиғида 9 та жадвал асосида 11 дақиқалик оралиқ интервал билан ҳаракатланади.

-          Йўналишдан фойдаланадиган йўловчилар учун “Улуғбек қўрғони”дан “Қибрай болалар дам олиш оромгоҳи”га 512-сонли вилоят автобус йўналиши орқали етиб олиш имконияти мавжуд.

8. 9-сонли “Узумзор мавзеси – Чорсу савдо маркази АШБ” автобус йўналишининг ҳаракати “Шаҳристон метроси” бекатидан “Чорсу савдо маркази АШБ”гача бўлган қисми қисқартирилмоқда.

71-сонли “Чуқурсой темирйўл – Тошкент МУМ АШБ” автобус йўналишининг ҳаракати “Шаҳристон метроси” бекатидан “Тошкент МУМ АШБ”гача бўлган қисми қисқартирилиб, Чинобод, ТҲАЙ, И.Юсупов кўчалари орқали Узумзор мавзесига ташкил этилмоқда.

9- ва 71-сонли автобус йўналишлари бирлаштирилмоқда ва йўналиш 71-сонли деб юритилиши кўзда тутилган.

Йўналиш “Чуқурсой темирйўл станцияси – Узумзор мавзеси” оралиғида 8 та жадвал асосида 12 дақиқалик оралиқ интервал билан ҳаракатланади.

-        71-сонли йўналишдан фойдаланадиган йўловчилар учун “Шаҳристон метроси бекати”дан Тошкент МУМ АШБга 51-сонли йўналиш орқали етиб олиш имконияти мавжуд.

        -        9-сонли йўналишдан фойдаланадиган йўловчилар учун “Чорсу савдо маркази АШБ”га “Чинобод кўчаси” орқали ҳаракатланувчи 52-сонли автобус йўналишида етиб олиш имконияти мавжуд.

Juma, 18 Sentyabr 2020

Эълон!

Тошкент шаҳридаги автобус йўналишлари ҳаракатини мувофиқлаштириш ишлари доирасида 2020 йил 7 сентябрдан бошлаб, мавжуд қуйидаги автобус йўналишларидаги ҳаракат таркиблари русумига ўзгартиришлар киритилади:

  1. 5А-сонли йўналиш ҳаракати ўзгаришсиз қолдирилади. Ушбу йўналишдаги ISUZU автобуслари SAZ LE-60 русумли автобусларга ўзгартилади.
  2. Янги 6А-сонли “Юнусобод 17-даҳаси – Юнусобод 6-даҳаси” автобус йўналиши ташкил қилинади. 6А-сонли йўналиш Оқтепа, Юнус ота, А.Дониш кўчалари, Туркистон ва Юнусобод метро станциялари, Юнусобод деҳқон бозори, Рихсилий, Юқори Қора қамиш, Мойқўрғон, Жума масжид кўчалари орқали йўлга қўйилади. Ушбу йўналишдаги ҳаракат таркиби 5А-сонли йўналишдаги ISUZU автобуслари ҳисобидан шакллантирилади.
  3. 67-сонли йўналиш ҳаракати ўзгаришсиз қолдирилади. 67-сонли йўналишдаги SAZ LE-60 русумли автобуслар Mercedes Benz автобуслари ҳисобидан шакллантирилади.
  4. 83-сонли йўналиш ҳаракати ўзгартиришсиз қолдирилади. 83-сонли йўналишдаги SAZ LE-60 автобуслари Mercedes Benz русумли автобусларга ўзгартирилади.
  5. 198-сонли йўналишдаги ISUZU русумли автобуслар SAZ LE-60 автобусларга ўзгартирилади.
Shanba, 05 Sentyabr 2020

Ҳурматли йўловчилар!

Ўзбекистон Республикаси Вазирлар Маҳкамасининг 2020 йил 16 мартдаги “Тошкент шаҳар йўловчи транспорти тизимини такомиллаштириш чора-тадбирлари тўғрисида”ги 157-сонли қарорига асосан автобус ва йўналишли такси йўналишларининг ўзаро ҳаракат йўналишини такрорлашини камайтириш мақсадида, Тошкент шаҳридаги йўналишлар тармоғини мақбуллаштириш ишлари амалга оширилмоқда.

2020 йил 15 сентябрдан, 8 та (30А, 34А, 49А, 72А, 76А, 134А, 141А, 155А-сонли) автобус йўналишларини мувофиқлаштириш ҳамда 3 та (20А, 23А, 60А-сонли) автобус йўналишларини ёпиш режалаштирилган.

  1. 20-сонли “5-болалар юқумли касалликлар шифохонаси – Жанубий вокзали АШБ” автобус йўналишининг ҳаракати тўхтатилмоқда.

-         Йўналишдан фойдаланадиган йўловчилар учун 20-сонли автобус йўналиши билан мувофиқлаштирилмоқда.

2. 23-сонли “ТТЗ АШБ – Қўйлиқ деҳқон бозори” автобус йўналишининг ҳаракати тўхтатилмоқда.

-         Йўналишдан фойдаланадиган йўловчилар учун “ТТЗ АШБ” бекатидан “Буюк ипак йўли метроси” бекатига 24-, 101-сонли автобус йўналишлари орқали етиб олиш имконияти мавжуд. “Буюк ипак йўли метроси” бекатидан Қўйлиқ бозорига 110-сонли автобус йўналиши орқали ёки “Буюк ипак йўли метроси” бекатидан “Қўйлиқ бозори” бекатига ер ости ва ер усти метро линиялари орқали етиб олиш имконияти мавжуд.

3. 72-сонли “Юнусобод 12-даҳа АШБ – Авиасозлар мавзеси АШБ” автобус йўналишининг ҳаракати “Юнусобод ҳокимияти” бекатидан “Юнусобод 12-даҳа”гача бўлган қисми қисқартирилмоқда ҳамда Осиё, Нурафшон, Лабзак кўчалари орқали “Малика бекати”га ташкил қилинмоқда.

Йўналиш “Авиасозлар АШБ – Малика бекати” оралиғида 8 та жадвал асосида 10 дақиқалик оралиқ интервал билан ҳаракатланади.

-         Йўналишдан фойдаланадиган йўловчилар учун Олой бозори бекатидан “Юнусобод 12-даҳаси”га А.Қодирий метро станциясидан Туркистон метро станцияси орқали етиб олиш имконияти мавжуд.

4. 34-сонли “Шифокорлар шаҳарчаси АШБ – Тўқимачилик комбинати бекати” автобус йўналишининг ҳаракати “Чилонзор метроси” бекатидан “Тўқимачилик комбинати” бекатигача бўлган қисми қисқартирилмоқда.

Йўналиш “Шифокорлар шаҳарчаси АШБ – Чилонзор метроси” оралиғида 8 та жадвал асосида 10-11 дақиқалик оралиқ интервал билан ҳаракатланади.

-         Йўналишдан фойдаланадиган йўловчилар учун “Чилонзор метроси” бекатидан “Тўқимачилик комбинати” бекатига 135-сонли автобус йўналиши орқали етиб олиш имконияти мавжуд.

5. 49-сонли “ТТЗ АШБ – Дўстлик метроси АШБ” автобус йўналишининг ҳаркати “Авиасозлар бозори” бекатидан “Дўстлик метроси АШБ”гача бўлган қисми қисқартирилмоқда. “Авиасозлар бозори” бекатидан “Авиасозлар АШБ”га ташкил этилмоқда.

Йўналиш “ТТЗ АШБ – Авиасозлар АШБ” оралиғида 9 та жадвал асосида 10-11 дақиқалик оралиқ интервал билан ҳаракатланади.

-       Йўналишдан фойдаланадиган йўловчилар учун “Авиасозлар бозори” бекатидан “Дўстлик метроси” бекатига 72-сонли йўналиш орқали етиб олиш имконияти мавжуд.

6. 60-сонли “Юнусобод 17-даҳаси – Тошкент вокзали АШБ” автобус йўналишининг ҳаракати тўхтатилмоқда.

-         Йўналишдан фойдаланадиган йўловчилар учун Юнусобод 17-даҳадан Туркистон метросига мавзелараро қисқа йўналиш орқали етиб олиш имконияти мавжуд. “Туркистон метро станцияси”дан “Тошкент метро станцияси”га, у ердан “Тошкент вокзали”га етиб олиш имконияти мавжуд.

7. 76-сонли “Қорақамиш 2/4 мавзеси АШБ – Тошкент вокзали АШБ” автобус йўналишининг ҳаракати “Халқаро аэропорт бекати”дан “Тошкент вокзали АШБ”гача бўлган қисми қисқартирилмоқда.

Йўналиш “Қорақамиш 2/4 мавзеси АШБ – Халқаро аэропорт бекати” оралиғида 8 та жадвал асосида 11-12 дақиқалик интервал билан ҳаракатланади.

-         Йўналишдан фойдаланадиган йўловчилар учун “Халқаро аэропорт” бекатидан “Тошкент вокзали АШБ”га 40- ва 66-сонли автобус йўналишлари орқали етиб олиш имконияти мавжуд.

8. 134-сонли “Назарбек қўрғони – Жанубий вокзал АШБ” автобус йўналиши 8 та жадвал асосида 11-12 дақиқалик интервал билан ҳаракатланади.

-         Йўналишдан фойдаланадиган йўловчилар учун 134-сонли автобус йўналиши 20-сонли автобус йўналиши ёпилаётганлиги сабабли “5-болалар юқумли касалликлари шифохонаси” орқали ташкил қилинмоқда.

9. 141-сонли “Карвон бозори бекати – Олой бозори” автобус йўналишининг ҳаракати “Пахтакор метроси”дан “Олой бозори”гача бўлган қисмини қисқартириш режалаштирилмоқда.

Йўналиш “Карвон бозори бекати – Пахтакор метроси” оралиғида 7 та жадвал асосида 12-13 дақиқалик оралиқ интервал билан ҳаракатланади.

-         Йўналишдан фойдаланадиган йўловчилар учун “Пахтакор метроси” бекатидан “Олой бозори” бекатига Пахтакор метроси орқали Абдулла Қодирий метроси орқали етиб олиш имконияти мавжуд.

10. 155-сонли “Гулобод кўчаси – Бахт кўли бекати” автобус йўналишининг ҳаракати “Янгиобод мавзеси”дан “Бахт кўли” бекатигача бўлган қисми қисқартирилмоқда.

Йўналиш “Гулобод кўчаси – Янгиобод мавзеси” оралиғида 6 та жадвал асосида 11-12 дақиқалик интервал билан ҳаракатланади.,

11. 30-сонли “Қўйлиқ деҳқон бозори АШБ – Тошкент МУМ” автобус йўналишининг ҳаракати “Олмос” маҳалласидан “Қўйлиқ деҳқон бозори АШБ”гача бўлган қисми қисқартирилмоқда.

Йўналиш “Олмос маҳалласи – Тошкент МУМ” оралиғида 7 та жадвал асосида 10 дақиқалик интервал билан ҳаракатланади.

        Йўналишдан фойдаланадиган йўловчилар учун “Рохат” бекатидан “Қўйлиқ деҳқон бозори АШБ”га 119-сонли автобус йўналиши орқали етиб олиш имконияти мавжуд.

Seshanba, 01 Sentyabr 2020

76-сонли йўналишга замонавий янги автобуслар ишга чиқарилади

Тошкент шаҳри аҳолисидан келиб тушаётган мурожаатларни инобатга олиб, йўловчиларга кўрсатилаётган транспорт хизматлари сифатини ошириш ва йўналишларда оралиқ қатнов ва оралиқ интервал вақтларига риоя этилишини таъминлаш мақсадида, 2020 йил 1-сентябрдан бошлаб, 76-сонли “Қора қамиш 2/4-мавзеси – Тошкент вокзали” автобус йўналишида “Avtosantrans-Servis” МЧЖнинг хизмат кўрсатиши йўлга қўйилади.

Ушбу корхона томонидан 76-сонли йўналишда “Yutong” ва “Isuzu” русумли автобуслар тасарруф этилади. 

Йўналишда хизмат кўрсатиш давомида йўловчиларнинг ойлик йўл чипталари ҳақиқий ҳисобланади. Шунингдек, йўл ҳақини электрон транспорт карталари орқали тўлаш учун автобуслар махсус валидаторлар билан таъминланган.

Yakshanba, 30 Avgust 2020

Зангиота махсус шифохонаси ва Тошкент металлургия заводигача автобус йўналиши ташкил этилди

Тошкент вилояти, Зангиота туманида барпор этилган “Зангиота юқумли касалликлар махсус шифохонаси”га ташриф буюраётган фуқароларга ва “Тошкент металлургия заводи” ишчи-хизматчиларига қулайликлар яратиш мақсадида, 2020 йил 28 августдан бошлаб, 75-сонли “Чортоқ маҳалласи – Оқтепа майдони” автобус йўналишининг ҳаракати “Чортоқ маҳалласи” сўнгги бекатидан Чортоқ кўчаси, 4Р21-ҳалқа автомобиль йўли орқали “Тошкент металлургия заводи” бекатигача узайтирилади.

Ушбу йўналишнинг “Тошкент металлургия заводи” бекатидан кейинги ҳаракати 4Р21-ҳалқа автомобиль йўли, Чирчиқ дарёсидан ўтказилган автомобиль кўприк йўлидан сўнг жойлаштирилган қайрилиб олиш манзили, 4Р21-ҳалқа автомобиль йўли, Чортоқ кўчалари орқали кейинги ҳаракати ўз йўналишини давом эттирган ҳолда ташкил қилинади.

Chorshanba, 27 Avgust 2020

Амалдаги автобус йўналишлари 2GIS’да

«Тошшаҳартрансхизмат» АЖ ва 2GIS Тошкент шаҳрида жамоат транспортини ташкил қилиш борасида ўзаро ҳамкорлик келишувини имзоладилар. Келишув йўловчи транспортини мониторинг қилишни кўзда тутган бўлиб, бу ўз ичига йўналишлар схемаларини, ҳаракатланиш жадвалини ва транспорт воситаларининг амалдаги жойлашувини акс эттириш каби қатор вазифаларни олади.

  2GIS – халқаро картографик ташкилот бўлиб, 1999 йилдан буён шу номли электрон ташкилотлар маълумотномалари ва шаҳарлар хариталарини чиқариб келмоқда.  Ҳозирги кунда сервис 11 мамлакатда мавжуд бўлиб, 50 миллиондан ортиқ фойдаланувчиларга ёрдам бериб келмоқда.

 Тошкентга 2GIS 2019 йил сентябридан кириб келган. Фойдаланувчилар учун сервиснинг бепул мобил иловаси ва онлайн-кўриниши мавжуд. 2GIS манзилларни топиш, автобуслар йўналишларини кўришда ёрдам бериб, жамоат транспортида ҳаракатланишни режалаштириш, автомобиль учун навигаторни ёқиш, ташкилотлар ҳақида изоҳ қолдириш, уларнинг телефон рақами ва иш вақтини билиш, компаниялар карточкаларида маҳсулотлар рўйхати ва уларнинг нархини кўриш, ҳамда қатор бошқа имкониятларни беради.

2020 йил 25 июлда «Тошшаҳартрансхизмат» АЖ ва 2GIS ўртасида жамоат транспорти соҳасида ўзаро иш олиб бориш тўғрисида келишув имзоланди. Келишув доирасида 2GIS йўловчи транспорти ҳаракатланиши, шу жумладан, йўналишлар схемаларини акс эттириш, ҳаракатланиш жадвали ва транспорт воситаларининг амалдаги жойлашуви ҳақида маълумотни тақдим қилиш бўйича эксклюзив ҳамкорга айланди. Ҳозирда худди шундай хизмат Москва, Санкт-Петербург, Новосибирск, Қозон, Уфа, Чимкент, Остона, Киев ва бошқа шаҳарларда мавжуд.

2GIS компаниясининг картографлари билан ҳамкорликда барча янгиланган автобус йўналишлари чизилиб, Тошкент харитасига туширилди. Эслатиб ўтамиз, автобус йўналишларини тузишда, уларнинг метро бекатлари билан уланишига алоҳида эътибор қаратилди. Натижада йўловчиларни метрога элтадиган йўналишлар тармоғи барпо этилди. Ҳозирда 2GIS фойдаланувчилари жамоат транспортининг амалдаги йўналишларидан хабардор бўлиб, уларнинг ҳаракатланишини онлайн равишда кузатиб боришлари мумкин.

Эслатиб ўтамиз, 2GIS мобил иловасини Android ва iOS платформалари учун бепул юклаб олиш мумкин.

 

Shanba, 15 Avgust 2020

Йўналиши ўзгарадиган автобуслар рўйхати

Тошкент шаҳрида олиб борилаётган кенг қамровдаги бунёдкорлик ишлари пойтахт жамоат транспорти ҳаракатини мувофиқлаштиришни тақозо этмоқда.

Жумладан, кўча-йўл тармоқларидаги қурилиш ва таъмирлаш ишлари доирасида Бектемир, Яшнобод, Сергели туманлари орқали ҳаракатланувчи 22 та автобус йўналишлари ҳаракатига ва 3 та йўналишлардаги автобуслар русумига ўзгартиришлар киритилди. Хусусан, киритилган ўзгартиришларга кўра, 2020 йил 17 августдан бошлаб, автобус йўналишлари қуйидагича ҳаракатланади:

-      “Қўйлиқ М2” ва “Қўйлиқ М1” автошоҳбекатларининг фаолияти тугатилганлиги сабабли, 12, 30, 45, 54, 68, 110, 122, 128, 130, 145, 183-сонли автобус йўналишларининг сўнгги бекати "Қўйлиқ деҳқон бозори" шоҳбекатида белгиланди;

-      Фарғона йўли кўчасини реконструкция қилиш ишлари доирасида 12 ва 68-сонли автобус йўналишларининг қайтиш йўналишидаги ҳаракати Фарғона йўли, Жарқўрғон, Иззат, Уйсозлар-2, Уйсозлар кўчалари орқали вақтинчалик ўзгартирилади;

-      13т-сонли “Сувсоз мавзеси – Тошкент вокзали АШБ” автобус йўналишининг қайтиш йўналишидаги ҳаракати Фарғона йўли, Х.Байқаро кўчалари орқали (ТҲАЙ орқали “Қўйлиқ деҳқон бозори” бекатига кирмаган ҳолда) “Сувсоз мавзеси” АШБгача ташкил этилади;

-      Фаргона йули-Мунис кўчалари чорраҳаси автомобиллар ҳаракати учун ёпилганлиги муносабати билан, 15, 81, 93-сонли автобус йуналишлари харакати Фарғона йўли кўчаси, Қўйлиқ кўприк йўли остидаги қайрилиб олиш манзили орқали (Қўйлиқ деҳқон бозори ва Қўйлиқ 1-мавзесигача харакатланмаган холда) ташкил этилади;

-      22-сонли автобус йўналишининг ҳаракати “Дўстлик метроси” АШБдан Элбек, Авиасозлар, Қорасув, Авиасозлар 5-тор кўчалари орқали кейинги ҳаракати ўз йўналишини давом эттирган ҳолда икки томонлама ўзгартирилади;.

-      28-сонли “Ибн Сино 2-мавзеси – Дўстлик метроси АШБ” автобус йўналишининг иш бошлаш манзили “Дўстлик метроси” АШБдан “Яшнобод қурилиш коллежи” бекатига кўчирилди ва йўналишнинг тўғри йўналишдаги ҳаракати “Яшнобод қурилиш коллежи” бекатидан Асалобод, Жарқўрғон, Иззат, Қорасув, Авиасозлар, Элбек кўчалари орқали кейинги ҳаракати ўз йўналишини давом эттирган ҳолда, қайтиш йўналишидаги ҳаракати Элбек кўчасидан Авиасозлар, Қорасув, Асалобод кўчалари орқали “Яшнобод қурилиш коллежи” бекатигача ташкил этилади ва йўналиш 28А-сонли “Яшнобод қурилиш коллежи – Ибн Сино 2-мавзеси” автобус йўналиши деб номланди.

-      45-сонли йўналишнинг “Бошлиқ” мавзеси томон ҳаракати Фарғона йўли кўчаси орқали Фарғона бозори кўприк йўли остида жойлаштирилган бурилиб олиш манзили, Фарғона йўли ва Янги Қўйлиқ кўчалари орқали кейинги ҳаракати ўз йўналишини давом эттирган ҳолда ўзгартирилади;

-      59А-сонли автобус йўналишининг ҳаракати М.Турсунзода кўчасидан Меҳригиё, Паркент йўли (4Р21) кўчалари ва ТҲАЙ орқали кейинги ҳаракати ўз йўналишини давом эттирган ҳолда икки томонлама ташкил этилади;

-      61А-сонли “Олмос маҳалласи – Халқаро Аэропорт-2” автобус йўналишининг қайтиш йўналишидаги ҳаракати Катта Янгиобод кўчасидан Шохсанам кўчаси орқали (“Олмос” маҳалласи ҳудудигача ҳаракатланмаган ҳолда) “Янгиобод мавзеси” АШБда қисқартирилади.

-      104 ва 117-сонли автобус йўналишларининг ҳаракати “Бахт кўли” бекатигача ҳаракатланмаган ҳолда “Қўйлиқ деҳқон бозори” АШБда қисқартирилади;

-      119-сонли автобус йўналишининг ҳаракати вақтинчалик “Қўйлиқ 1-мавзеси”гача ҳаракатланмаган ҳолда “Қўйлиқ деҳқон бозори” АШБда қисқартирилади.

Йўналишлардаги йўловчилар оқимидан келиб чиққан ҳолда қуйидаги йўналишларда ҳаракатланувчи автобуслар русумига ўзгартириш киритилади:

-      15-сонли автобус йўналишида Исузу автобуслари ўрнига Мерседес русумли автобуслар тасарруф этилади;

-      45-сонли автобус йўналишида Мерседес автобуслари ўрнига Исузу русумли автобуслар тасарруф этилади;

-      122-сонли автобус йўналишида Исузу автобуслари ўрнига Мерседес русумли автобуслар тасарруф этилади.

Йўловчилар оқими кам бўлган 3 та қуйидаги автобус йўналишлари ёпилди:

10-сонли “Яшнобод қурилиш коллежи – Тошкент тиббиёт академияси” автобус йўналиши;

111-сонли “Юнусобод 9-даҳаси – Оқтепа майдони” автобус йўналиши;

144-сонли “Ўзбекистон жамоа хўжалиги – Тошкент МУМ” автобус йўналиши.

Juma, 14 Avgust 2020

Жамоат транспорти ўз фаолиятини қайта тиклайди

Республика махсус комиссияси баёнига мувофиқ юртимизда карантин талаблари юмшатилиши муносабати билан кўплаб ижтимоий-иқтисодий соҳалар фаолияти қайта тикланиши белгиланди. Унга кўра ҳудудлараро қатновчи барча турдаги жамоат транспортлари ҳаракати ҳам жорий йилнинг 15-августидан бошлаб қайта йўлга қўйилади. Санитарик ва эпидемиологик орасталикни сақлаш мақсадида транспорт воситаларини дезинфекциялаш қатъий назоратга олинади.

Шу ўринда йўналишга чиқиш олдидан ҳар бир ҳайдовчи ва чиптачи тана ҳарорати тиббий меъёрда бўлган ҳолда, тиббий ниқоб ва қўлқоп билан таъминланиши назоратга олинади.

Йўналишга чиқиш олдидан "Тошшаҳартрансхизмат" АЖ таркибидаги ҳар бир автосаройда ҳар бир автобус тўлиқ дезинфекция қинади. Қолаверса, ҳар бир йўналишдан қайтган автобус қайта дезинфекциядан ўтказилади.

Эслатма: Санитария талаблари доирасида йўловчиларнинг автобус салонига чиқишда ва автобус ичида тиббий ниқобда бўлишлари талаб этилади, тиббий ниқобсиз йўловчилар автобус салонига чиқарилмайди.

Juma, 14 Avgust 2020

Янги автобуслар келтирилди

Сўнгги йилларда транспорт тизимини тубдан ислоҳ қилиш, айниқса, ҳаракат таркибини замонавий, йўловчи учун қулай транспорт воситалари билан тўлдириш бўйича қатор саъй-ҳаракатлар амалга оширилди. Хусусан, пойтахт жамоат транспортининг асосий бўлаги ҳисобланган автобусларни янгилаш борасида "Тошшаҳартрансхизмат"" АЖ томонидан сезиларли самарага эришилди.

Айтиш лозимки пойтахт жамоат транспорти тизимида хусусий секторнинг ҳам улуши бор. Айни кунда "Тошшаҳартрансхизмат" АЖ тизимида 10 га яқин хусусий корхоналар йўловчи ташиш билан шуғулланади. Улардан бири "Автосантранс-сервис" МЧЖ булиб, мазкур корхона Хитойнинг " Yutong hongkong limited" компанияси томонидан ишлаб чиқарилган 9 та газ ёқилғисида ҳаракатланадиган янги автобуслар харид қилди.

Умумий 52 нафар йўловчига мўлжалланган ушбу автобуслар ўрта сиғимли бўлиб, 30 та ўриндиққа эга.

Payshanba, 05 Avgust 2020
Page 1 of 35
Avtobus buyurtmasi
1062 Ishonch telefoni
mg.uz
my.gov.uz
tshtx.uz 

Foydali resurslar

edportal  fondbozori
gov.uz my.gov.uz
lex.uz cert.uz dc.uz
gis.uz strategy.gov.uz Ctrl+Enter

Aloqa uchun muloqotlar

Umumiy bo'lim
Tel.: (+998 71) 233-89-21
Faks: (+998 71) 233-34-40
Xorijiy hamkorlar bilan muloqot qilish uchun telefoni / Phone for communication with foreign partners: (+998 71) 233-52-63

Yangiliklarga obuna boling

Xozir saytda 1753 mehmon

Yandex.Metrika

 

Click to listen highlighted text! GSpeech